[中國]額濟納旗遊記 [復制鏈接]

一篇跟團嘅遊記
秋高氣爽，最適合去影秋色，除左一d攝影會活動之外，參加攝影團不外乎兩間公司，我跟開貴少少果間
今次主要目的地係內蒙古西部額濟納旗嘅胡楊金秋景致，當地沒有機場其中一個多人採用嘅路線就係經寧夏銀川坐車入去，正因為咁行程中加插左一d寧夏景點

採用深圳經西安往銀川嘅航班，玩到盡嘅早機出發

出發之前果晚仲要做到盡OT到十點幾，食飯、買乾糧、執行李，訓左兩個鐘之後，凌晨三點幾就要起身出發，去到銀川都只不過係一點

第一個去嘅地方係吳忠市回民家訪，吳忠市為寧夏回族自治區的地級市，位於寧夏回族自治區中部，黃河東岸，全市總面積2.02萬平方公里，總人口123萬，其中回族58萬人，佔總人口的47.2%，是中國回族主要聚居區之一。回民家訪嘅活動包括地道小食同埋係村入面參觀

之後就出發往當晚住宿嘅固原市，固原市為寧夏回族自治區南部的地級市，全市總面積1.34萬平方公里，總人口123萬。去到已經係夜晚9點，首先食晚餐，食嘅係羊肉泡饃

不過我覺得西安嘅好食d
食完就返酒店，一共會住兩晚

第二日嘅行程係去六盤山，六盤山即六盤山脈，又稱「隴山」，地處寧夏南部。位於寧夏、甘肅、陝西交界地帶。是渭河與涇河的分水嶺。朝早去嘅係當中的野荷谷，按行程所講野荷谷係南北走向的峽谷，雖長不過6千米，寬不過六七米，但景色奇異，風光佳秀。

午餐後先去小南川，基本上都係沿河邊行山，都幾好行不過景色就不及野荷谷，再加上天色轉差，後來甚至開始落雨，所以無行晒已經反轉頭

稍事停頓之後雨亦轉弱，我地就按行程繼續去涼殿峽，涼殿峽是成吉思汗攻打西夏時屯兵之地，最終成吉思汗死於六盤山

都係到此一遊嘅地方

臨走係門口行左陣

成個天色已經唔同晒

因為之前天雨影響，所以今日嘅行程早左完，但都唔係太緊要，寧夏景點始終只係配角，最大影響就係早左完菜館煮唔切飯

是日午晚餐都係依間農家菜

未有得食住就週圍行下打發時間

其中一個餸大盤雞，出乎意料嘅好味
食完就回程番酒店

第三日食完早餐就出發番銀川，銀川市為寧夏回族自治區首府，全市總面積0.88萬平方公里，總人口199萬，歷史上曾作為西夏王朝首都，位於銀川平原中部，西倚賀蘭山，東臨黃河，自古有塞上明珠的說法
中午到達，午飯後就去黃沙古渡景區
景區位於陶樂縣的黃河東岸，集賀蘭雄姿、黃河勝景、黃沙濕地於一身，東望鄂爾多斯高原臺地邊緣古代烽遂依舊，西瞰黃河滔滔北去，勝似塞上江南
主要活動有兩樣：坐衝浪車玩沙漠衝浪

另一樣就係睇日落

日落西山，晚飯後就番市內入住酒店，成個行程總共住三間酒店，身處首府當然係行程中最好嘅酒店

用戶被禁言,該主題自動屏蔽!

第四日食完早餐7點鐘就出發去額濟納旗。內蒙古自治區阿拉善盟轄下的一個旗，位於內蒙古自治區最西端，面積為11.4萬平方公里，人口約2萬。額濟納旗，地廣人稀，多為無人居住的沙漠區域，除了本有的蒙古人所經營的游牧業之外，最近該旗也發展旅遊業。原為西北地區的生態屏障，現在已淪為沙塵暴的重要發源地。

額濟納旗同銀川距離約720公里，由於限速嘅關係，出發前已預計要12小時先會到，限速嘅方法係途中設有幾個檢查站，每次會設定下一個檢查站嘅到達時間，如果早過指定時間到達就代表係超速。
初初途經賀蘭山都仲有風景睇