[東南亞]新加坡探墳記 [復制鏈接]

之前去左個短trip係新加坡玩左三日，雖是第一次去新加坡，而且時日無多，卻選擇左兩個遠離旅遊區嘅冷門景點：克蘭芝陣亡戰士公墓同埋日本人墓地公園

克蘭芝陣亡戰士公墓(Kranji War Memorial)位於新加坡北邊，距離新加坡最北的一個地鐵站Kranji大約十幾分鐘路程，除左地鐵站同一個馬場之外，附近基本上咩都無，倒是地鐵站入面有個food court
係地鐵站行過去尚算方便都係過一次馬路同埋轉一次彎，而轉彎地方係有signage嘅


公墓主要係第二次世界大戰犧牲烈士安息之地，當中亦有小部份係第一次世界大戰嘅烈士

山坡上整齊地排列著4千多個墓碑，就像是士兵生前嚴格規律嘅反映


當中包括來自英國、澳洲、加拿大、斯里蘭卡、印度、馬來西亞、荷蘭和新西蘭嘅士兵。墓碑上刻有佢地嘅姓名同歲數，但係亦有部份係刻上known unto god，年輕嘅士兵為戰事付出生命，得到嘅只有上帝記得佢，實在令人惋惜

墓碑前種著不同顏色嘅小花，配合整齊排列，確實不失美感，但似乎美得令人忘記戰爭嘅可怕

山坡嘅另一邊主要係馬來人及華人士兵安息之地，墓碑有較多嘅變化

山坡頂有慰靈塔同紀念碑
機翼形嘅建築牆上刻有2萬多名沒有遺體烈士嘅名字

到達後，除左幾個園丁之外都無遊客，直至臨走見到幾個外國人，以及一班黎參觀嘅學生

之後轉去日本人墓地公園，一個座落於豪宅區嘅墓園，距離Kovan地鐵站大約十幾分鐘路程，但係當中要轉7次彎，說實話都要好小心咁行，沿路大致都係兩三層高嘅別墅，好難想像當中有一個墳場



墓園於十九世紀晚期啟用，最初係一名日本商人撥出其橡膠園部份地方安葬日本妓女，其後一些旅居新加坡嘅日本人以至陣亡士兵亦長眠於此

入門口有幾尊菩薩，頗有日本風味

墓園一端為第二次世界大戰日本士兵安息之地，三塊由日本戰俘偷偷製造的碑石下埋有一萬人的骨灰，當中包括陣亡士兵、日本投降前夕自殺的士兵、被處決戰犯及死亡戰俘，成王敗冦一萬人就只有這樣沒名沒姓的埋在一起

墓園內亦有一般旅居新加坡嘅日本人，直至1973年才停止新落葬

先前提及，墓園最初係日本妓女嘅長眠之地，這些被稱為唐行小姐的妓女主要來自長崎或者熊本嘅窮困人家。唐雖然代表中國，但係依d唐行小姐除左會被賣往中國，亦有部份去左東南亞嘅西方殖民地，目的係解決西方殖民軍隊同勞動者嘅需要
依種社會現象在明治末期達到最盛，甚至係一個重要嘅賺取外匯來源。日本崛起之後，唐行小姐被視為日本的恥辱，1920年隨着廢娼令的頒佈，唐行小姐這種職業也跟着一起消失
唐行小姐每次接客可以分到一半金額，其中一半會用作服裝費同生活費﹙當中雜貨商及妓院老闆更會合謀抬高物價﹚，為了生活唐行小姐每月最少要有20名客人，如果想贖身則最少要120個客人。當中有不少更客死異鄉，而且大多未滿30歲便病死，死後只餘下一個細小的碑石歪歪斜斜的放著，現在連名字也看不到

雖說是座落在豪宅區的墓園，但也未必太近了吧!



豪宅的景觀

咁重口味呀？山長水遠去到新加坡影墳地………

仲要「時日無多」添………

黎新加坡，探墳？！！

d相影得幾好

咁新加坡依d熱門旅遊地方，我驚同大家講可以去睇魚尾獅會無收視
雖然我真係有去

咁去下d無人去嘅地方都幾好