龍門:雲達沙
佢今年既表現好似變番佢後生個時咁,好多近乎必入既波,佢都救到,再加上佢今年既信心係大左好多(可能係前面有維迪既關係,雖然施治前面都有泰利)但係穩定性的確高左好多,可能你會認為施治今年冇傷既話,表現一定好過雲達沙,但係以年齡同狀態黎講,今年雲達沙真係英超最fit龍門
再加上只係"今季"最佳陣容,所以龍門個位我會投雲達沙一票
右閘:芬倫
年年都有穩定既演出,攻得又守得,而且有越來越準既傳中球,我諗英超咁多右閘,佢都係頭幾名架啦(再加上今年冇咩邊個夠特出)
中堅:泰利,維迪
尼兩位都唔駛多講,擺明係高票當選個d,只要一睇佢兩位受傷個時,球隊出現咩事就知,真係唔駛多講
左閘:尼個位仲難揀,本身打開左後衛個d,大部分都變晒左中場,所以我揀巴利,因為左中場個位另有其人
右中場:c郎,賓特利
c郎今年有幾強,唔駛再多講,但係就係因為咁,反而少左人留意到賓特利,佢今年打法成熟左,小左花巧,傳中球質數高左
係柏達臣今年因為換左球衣上面個名而冇料到個時,成隊波好多時都係靠賓特利,所以尼個位我揀左兩位球員
中場中:艾辛,阿迪達
艾辛今年既表現,終於令人相信佢咁高身價並唔係流既,當佢今年係馬基尼利開始要打後備既時候,只打佢一個防守中場個時,佢只可以用恐怖兩個字黎形容,再加上球隊後防唔夠人時,摩佬變陣時,艾辛係唔同位置,一樣交到功課,尤其是打右後衛個時,佢既non-stop咁跑上跑落,我個時只可以俾多兩個字佢:屈機
而阿迪達既表現可以話一年好過一年,加維臣係到個時,佢都未有話超突出既表現
到上年,人人都只係記得卡希爾,好啦,到今年愛華頓既好成績先可以話係阿迪達一手一腳打返黎
當卡希爾未重傷前,佢都只係身處於卡希爾後仲back up,到卡希爾傷出,就自己打起晒成隊波,仲有一樣就係尷年水準keep得好穩定,好小話有低潮期,就算有都係一兩場既事,好少話一頭半個月,所以愛記有咁好成續,都可以話係佢既功勞\
左中場:傑斯
今年成3張幾野既佢,完全唔似三十幾歲,好似後生左幾年咁,而且係踢法同分波都去到另一個境界,亦係除左c郎on fire之外,另一個令曼聯今季長坐榜首既原因;就以近一兩場波,曼聯對樸仔同羅馬為例,你都可以見到傑斯係隊波入面產生到咩既作用(曼聯對樸仔個場,上下半場邊兩位球員打左中場對球隊既貢獻可以話有目共睹;對羅馬個場傳俾阿倫入個球更見得出佢打法上去到咩層次)
前鋒:杜奧巴,貝碧托夫
杜奧巴今年可以話係除左c郎之外另一位on fire球員,係季初好多人都認為軍刀黎左,佢係冇定企,但係經過左大半季,佢既表現令以往批評佢既人(包括我)通通收聲,由之前既把握力差,插水變成世界波,神射手,再加上佢會係敵隊有角球時回防幫手,之後打反擊又衝返上去,係今年林伯咁低沈之下,車仔仲有得同曼聯鍊過,真係可以話多得有杜奧巴,係把軍刀慢慢變成餐刀個時,杜奧巴係車仔前線更顯得重要
而揀貝碧托夫唔揀古治既原因係因為熱刺係加入左佢之後係進攻更多元化,可以打多幾範波,你可能會話古治入球又多d,其他野又唔見得俾貝碧差,點解唔揀古治,冇錯古治入波係多,但係首先你要望下紅軍既中場線,再望下熱刺既中場線,咁你應該明白點解要揀貝碧,而且熱刺多左佢既入球能力同二傳之後,雖然冇左卡歷克,但係係實力上仍然係有所提升既
若果下年仍然可以keep住既話,我相信第3-6名都可以keep住打到7國咁亂
p.s:好耐冇試過打咁多字啦
