今晚嘅英超，車仔、曼聯分途出擊，我睇直播就揀左曼聯黎睇，
話晒今季我捧曼聯多d。
睇完之後，對於今場費sir嘅調動，個人覺得幾佩服，唔知大家點睇？
首先，下半場開始左無耐，愛華頓領先到2:0，相信曼聯fans個心都會驚
一驚嘅同時，都會諗一個問題，點解仲唔出c朗？
曼聯上半場早段已經落後一球，當時，時間尚早，未換人好正常。
到左下半場開始，依然未見c朗落場，當時爭標對手已經反領先2：1，即係話，就算曼聯逼和對手，都只係得返1分優勢。喺仲未同車仔踢嘅情況之下，1分優勢，就等於冇優勢。不過，如果費sir想再觀望多一陣，亦屬正常。
好啦，輸到2球，要換啦掛？費sir依然無動於衷。
我當時心諗，費sir諗緊乜，咁都唔換，等幾時？
直至到追返一球嘅時候，鏡頭對住費sir，例牌地振臂高呼，然後，用手推左c朗一下，示意c朗係時候出場。
睇到呢度，我先有種恍然大悟嘅感覺。
以下，係我對費sir當時諗法嘅推測。
推測一(落後至兩球時)：即使最聯輸，車仔贏，都依然係同分，得失球仍然有好大嘅優勢，失分嘅損失，曼聯都算承受得起。而且，即使換人，當時曼聯個勢實在唔太好，未必有效。
推測二(追返一球時)：相信當時費sir已經知道車仔俾人追和嘅消息，眼見己隊追返一球，個勢返黎，於是即時換入c朗，希望球隊可以食住個勢扳平，甚至反超前，更希望嘅係，想喺對車仔之住再次擴大領先優勢，聯賽冠軍就近在眼前啦。
結果，車仔失分，曼聯贏波，領先優勢擴大至5分。
(推測至此結束)
如果，我嘅推測屬實嘅話，就真係不得不佩服費sir，正如topic一樣，「人老精、鬼老靈，老謀深算」。
當然，一切都只係推測，而且完全無辦法證實我嘅推測實真屬假，所以我嘅topic都係用一個「？」都結尾。
唔知大家點睇呢？
