「千里尋親記」1 ：mo仔馬倫相認記
mo仔：「疑？老豆？你點會黎左呢到架？」
馬倫：「衰仔！你仲好講，「冷」街成個星期都唔返，我咪出黎搵你囉。點知比人困左係到！」
mo仔：「老豆，我介紹你識，呢兩位係我係呢到既大佬，大b哥同細b哥。」
mo仔：「大b哥，我想同我老豆單獨講幾句……」
大b：「唔好講咁耐呀，好多野等緊你做架。抹乾淨d地方先好訓呀。」
mo仔：「知道，知道。」
馬倫：「嘩，mo仔，咩宜家咁慘呀？要做咁多苦力呀？以前你食飽就訓，訓飽就食，邊駛做架？」
mo仔：「唉，在家千日好！出外半朝難。宜家先知搵食難呀。呢到缸又大，魚又惡，個衰公主人又孤寒，餵糧餵得個dd……又話咩新缸要控制水質。計我話佢無錢就咪學人養魚啦。好慘呀我，餐餐食唔飽。」
馬倫：「鬼咩！你比我縱壞哂，片糧又唔食，粒糧又唔食，淨係揀豐年蝦先肯食。普通人家邊有餐餐豐年蝦架？想創你個心囉！我叫過你唔好偏食架啦！」
mo仔：「我知架啦。宜家咪學緊食片糧囉……但淡到死，唔香口既！」
馬倫：「有得你食仲想點？」
mo仔：「老豆，唔好講我，咁你點？困住左。」
馬倫：「啊，無野喎。呢到幾好。我見你係外面爭餐死先有個一塊仔片糧食。我呢到成棵黃芽苩由我啄。都不知幾嘆。仲有兩個老死陪我添。」
馬倫：「你唔駛擔心喎，我聽講今晚就可以放監。你快d打掃好個葵先。我今晚可以「痴」番晚，訓番覺好既。」
mo仔：「下？又要我做呀？」
馬倫：「以前都係我做，家下叫你做一次半次都唔得。」
mo仔：「啊……知啦……咁我去掃葵先啦。今晚見啦。」
馬倫兄弟之一：黃色咀，唔串咀既「藍咀」。
馬倫兄弟之二：周身紋哂身，唔怕會冷親既雙印蝶。
都係一齊偷渡入黎被捕後，暫時還押監房既。
