最新情報：醫生蝦肯開工啦！
兩日前有晚其實我隱約都見到條吊游埋去，D蝦就係到了了下，但睇波無理到。
今日見到條吊D白點清哂咁滯。
然後食飯個陣，比我見到個奇境。四條魚排住隊逐條睇醫生。隻蝦先用條鬚了下了下條魚，然後直情擒埋上條魚身上，開始啄食D白點蟲。睇住隻蝦啄一下，條魚就震一野，好鬼攪鬼。
一條啄左一陣，就游開輪到第二條。如是者，四條魚輪完街症後，又輪番到第一條魚再黎過。無話霸住隻蝦架喎，好鬼守規舉。
宜家個缸應該都定番少少掛。至少四隻蝦都仲幾生猛。尋日結果都要買番條小丑陪下原本個條。一條者……無事既……
宜家再黎就要睇下點樣引條右美人同天皇仙開口。否則，又會好似之前條藍咀bb咁，唔肯食野，然後一日突然失縱……不過，咩都試過哂，真係咩都唔肯食……煩。
