[英超]雲加宣佈今季結束後將會辭任阿仙奴領隊一職 [復制鏈接]

簡單一句，阿記已經可以踢風流波

迪克:簡單一句，阿記已經可以踢風流波 (2018-03-02 16:16) 

爺爺又贏一仗

迪克:岩岩醒起.......
曼城肯定踢歐聯，所以聯賽盃個歐霸位...已經落左我地袋
我地就算踢到降班都可以參賽了......
唔怪得佢尋晚個樣好似無乜所謂咁啦....... (2018-03-02 16:14) 

all calculated

迪克:岩岩醒起.......
曼城肯定踢歐聯，所以聯賽盃個歐霸位...已經落左我地袋
我地就算踢到降班都可以參賽了......
唔怪得佢尋晚個樣好似無乜所謂咁啦....... (2018-03-02 16:14) 

原來係咁！！！！

【你的離開也是愛】切勿助長垃圾波，阿迷寒冬酋長半空


「愛你變成恨你」、「恨鐵不成鋼」，相信係不少阿仙奴球迷既心聲。曼聯、利物浦近年試過沉淪，作為球迷必定不離不棄，但阿仙奴最令球迷失望既並唔係輸波，而係冇爭勝心、冇鬥心，一班少爺兵喺場上散步，後衛失波舉手，雲加賴死唔走，如果搞個「不思進取聯賽」，阿仙奴必定可以不敗奪冠。
(利申，一個不離不棄既失望憤怒阿迷)

曾經認識一位某英超球隊既球迷，佢對於球隊近年既戰術風格同排陣用人極度不滿，雖然球隊成績不錯，但佢堅持愛隊必須要降班重建，所以平時睇到愛隊贏波佢會表示有冇搞錯。去到咁極端既例好好少見，不過想帶出既係，有時候睇到自己既愛隊無可救藥，可能都會覺得不如砍掉重練啦，正係基於類似邏輯，其實近年當阿仙奴滿足於爭四之時，已經有不少球迷覺得，不如試下連歐霸都冇得踢，等雲加走咗之後重建可能仲好。

阿仙奴最近連續兩場與英超榜首曼城碰頭，先係係聯賽盃決賽以0-3敗陣，其中梅斯達菲既低級失誤足以令人掟爛電視，全場比賽中阿仙奴係曼城面前猶如英甲球隊一樣，毫無還撃之力 (對唔住侮辱咗英甲球隊，韋根都可以憑針對部署同將士用命，係足總盃淘汰曼城) 。呢場令人失望既比賽之後，阿仙奴又要係英超遇上曼城。

直播開始時，已經感到奇怪，因為鏡頭影到酋長球場下層座位疏疏落落，心諗莫非英國阿迷終於狠下心腸，用腳投票罷睇阿仙奴啲垃圾波？絕對唔出奇，如果你有睇聯賽盃決賽，就會明點解球迷都唔想睇呢場波，愛得越深既，越難面對呢隊阿仙奴。
聽評述講原來倫敦當日氣溫介乎攝氏 -6 至 -1 度，更曾經刮氣大風雪，所以可能有球迷因為天氣而唔出黎睇波，不過小弟就認為一定同球隊表現有關，天氣咁凍仲要睇垃圾波？不了。
比賽中，現場仲公布官方入場人數為 58,420 ，唔係篤數咁無恥下化？照計 "Attendance" 應該係計入場人數，而唔係買飛人數，買咗飛唔嚟又何來 "Attend" 呢？根據官方資料，酋長球場容量係
59,867 ，咁即係當日官方入座率達到97.6%，開玩笑？

個人認為利物浦名宿加歷查既評論十分中point，佢話：

「上季，我覺得當時有D球迷對於球會既憤怒，同埋出黎鬧雲加，我覺得係唔尊重。

不過今晚我覺得情況更差，球迷已經冇興趣，黎都唔黎，而我都冇辦法指責佢哋。

比賽之後有D噓聲，不過同上一季既憤怒好唔同。今次更加似係放棄，好似大家都係度等緊雲加走。

而家已經好少阿仙奴球迷支持雲加做埋下一季，呢樣係好令人傷心，因為當我踢緊波嗰陣，佢同費格遜兩位喺巔峰對決，我當時覺得佢真係一個傳奇。

佢地需要改變，即使今場係阿仙奴贏3-0，都係咁話。」


天真講句，希望所有阿仙奴球迷都罷睇比賽、罷買波衫，球會冇咗球迷咩都唔係，如果阿仙奴蝕大錢，美國佬高安基走人，雲加走人，就算要阿仙奴黎緊幾季都排第10位，都心甘命抵，起碼試過。

其實去到呢個田地，都真係幾水深火熱…………

freezefox:其實去到呢個田地，都真係幾水深火熱………… (2018-03-02 18:17) 

管理層角度
業績比往年好，雲加有道

羅力亞:管理層角度
業績比往年好，雲加有道[表情]  (2018-03-02 19:26) 

據《電訊報》報導，由於無緣歐聯，阿仙奴半年的營業利潤下降了62%。

　　根據阿仙奴的半年度業績顯示，截止至去年11月底，從歐聯跌到歐霸盃令阿仙奴的足球收入下跌2340萬英鎊。球會表示，由於只能參加歐霸盃，球隊的門票銷售量下降了，商業和廣播收入也暴跌。

賬面係賺多左
只因為賣人

有人話聯賽盃第二無得取代冠軍踢歐霸
個歐霸資格會去返聯賽第六身上

我唔肯定了
求大神指正

羅力亞:管理層角度
業績比往年好，雲加有道[表情]  (2018-03-02 19:26) 

但球迷如果繼續對球會心灰意冷，就會影響入場人數。直接影響收入。今年唔會見到，下年都未必。但呢個情況只會持續惡化，到有一日意識到有問題時，已經為時已晚。

持續無得打歐聯，亦會大大影響球會既收入。


另外，如果長期KEEP 住第五、六。一年係咁，兩年係咁，球會既型象只會愈黎愈低落。吸金力一定大減。例如贊助商會少左，贊助既金額會少左。球衣都未必賣到咁多件。


之後，愈黎愈難吸引大牌球星加盟（一月可以換到MK，買到美羊，我只係覺得雲加死好命………一個人唔會一直死好命的）。球會地位每下愈況。慢慢變成一隊褪色強隊。想爬番上去就難了。

迪克:有人話聯賽盃第二無得取代冠軍踢歐霸
個歐霸資格會去返聯賽第六身上
我唔肯定了
求大神指正 (2018-03-02 19:37) 

咁聯賽第六咪又係佢…………

迪克:有人話聯賽盃第二無得取代冠軍踢歐霸
個歐霸資格會去返聯賽第六身上
我唔肯定了
求大神指正 (2018-03-02 19:37) 

- If the winners of the 2017–18 FA Cup are in the top five of the Premier League, the sixth placed team will be given a berth in the Europa League group stage. Otherwise, the sixth placed team will enter the Europa League second qualifying round.

- The winners of the 2017–18 EFL Cup (Manchester City) will finish in the top six of the Premier League. If the winners of the 2017–18 FA Cup do not finish in the top six, then this berth will be given to sixth place. However, if both the winners of the 2017–18 FA Cup and the 2017–18 EFL Cup are in the top six, this berth will be given to seventh place.


第六一定有, group stage/qualifying round gei 分別

freezefox:咁聯賽第六咪又係佢…………[表情] (2018-03-02 19:45) 

華生