下面是引用muly621於2006-03-09 03:02發表的:
嘩……
.......
其實我上次都想講，三個星期就完成N-CYCLE，好似快左D。似乎係勁落銷化細菌谷出黎既現象。好多時，都係假象……
因為D菌唔係自然生出黎，係落落去。有時，過幾日可能會自然死亡。所以，岩岩落既頭兩日，NO2可能會低左，但過多幾日，菌種唔夠，又升番。你一係就搏命咁落，夾硬壓住個NO2。不過……唔自然既野始終難以長久。同埋，落菌過量，都唔係好事。
我之前用左多過一個月時間，都未可以話正式完成N-CYCLE。KEEP住都有0.1。真正完成N-CYCLE，應該係完全無NO2架。係零架。上次我一個月後，一次唔小心整死條魚，又搵唔番條屍，結果「化」左，N02都即時升左成格。後來再半月後，一次心急加魚，加得太多太快，又幾乎攪到反缸。全缸魚起白點。都證明左，N-CYCLE未係完全成熟。
兩次我都係靠換水救番。所以你都要勤力換下水。一日換少少，一日換少少咁調整番個水質。銷化細菌當然要落，但唔可以淨係靠呢樣野囉。同埋要停止加魚，減少餵食。
近期我加魚加都又密又多，都無異樣，新加既魚就算養唔到，都無影響舊魚（小丑感染例外）就已經證明水質已經比較穩定。唔駛TEST都知。
一於換水啦。無第二個方法架啦。
話時話，你話爆紅係咪指測試水質後NO2升到好高，然後又跌番低，以此黎做完成N-CYCLE既標準？
咁你有冇爆苔先？爆到成缸都係紅苔啡苔喎！呢樣野先係完成N-CYCLE既指標喎。個陣我係爆到，今晚擦走哂D苔，佢第二日一日內可以爆到成個缸都係。生物石呀，沙面呀，缸邊呀，全部係苔。個陣食到我條丹麥吊飽一飽呀。
