下面是引用「隱」於2006-04-17 21:34發表的:
終於睇晒喇@@"""
我想知老狐買左幾多唔同既魚糧?
我見你成日落D唔同既魚糧落去既~XDD
餵仙魚既有紫菜啦，但唔可以日日餵。壞水。有時可以餵娃娃菜。今日餵左生茶。
有d魚唔食紫菜既，就要餵粒糧同片糧。粒糧有有兩種，一種大粒d，食得飽d，呢種係主糧；一種超細粒d。超細粒個隻要黎引d好細條既魚仔開口用既，平時唔會餵呢隻。
咁隔兩三日就會餵急凍既豐年蝦。我另外買左急凍既毛蝦。但好似唔多岩洗，所以好少用。
仲有急凍既白蝦。要黎餵炮仗花既。岩岩早兩日買左一罐蝦干囉。都試下有冇用先知。
餵珊瑚既有兩隻（暫時），都係d浮游性動、植物之類。但可能遲d會買多一兩種。
另外我仲買左維他命同蒜水。用黎浸d魚糧再餵比佢地食既。維他命有增色同健體既作用；蒜水就用黎殺菌消毒，亦可增強抵抗力。有人話（話咋），可以加強對病菌同白點既抗體。
我上星期條藍紋「特」眼，係細菌感染既一種。我都係用蒜水浸糧餵食。宜家又真係好番喎。唔知係咪真係有關囉。
