報告下史丹利利既情況先。
繼前兩日出院失敗後，迫於無奈，只好再次隔起史丹利利。咁前日我又買左條法仙bb，又係隔離左。點知尋晚唔小心，比條法b由個兜到走左出黎。唔唔出都出左，捉又捉唔番，找咪諗住搏一搏啦。開頭都有比其他魚追打，雖然唔係咁激烈。我就即刻熄埋支燈，等d魚快d訓，條法b可以喘息下。
突然我諗，逐條逐條放入去比班舊魚追，不如一次過放埋史丹利利入去，分散「敵人」注意力，真係打起上黎，都有人頂番一半，唔駛比成缸魚圍剿都好呀！於是把心一橫，第二次放出史丹利利。
咁當然，追打實有，但又真係無上次咁誇。一晚過後，今朝都唔見太激烈既打鬥。條法b直程無人追，自由暢泳。係條細胆既史丹利利，仲係「呢」係個角落頭唔敢出黎。再睇多陣，如果一陣餵食時，佢肯出番黎食野，咁就當成功一大半。否則，真係又要煩d捉番佢。同埋點安置佢………
希望史丹利利今次大步檻過。
