引用第44樓freezefox於2006-12-30 10:29發表的“”:
我唔會完全抺殺賓尼迪斯既成就。但我亦唔會過份神化佢既功能。賓尼迪斯黎左利物浦三幾年，頂多得兩三項成就可言。一：奪得歐冠！二：從新改造利物浦！
第一點係好實在既。因為第一就係第一。無得呃人。但請留意。冠軍第一，唔係賓尼迪斯個人既成就。係整體利物浦所有球員既成就！唔係因為佢一個人打個冠軍番黎，係成班球員好努力咁打番黎。次次一提歐冠，大家好似講到係賓尼迪斯一個人既功勞。我就唔認同。當然，佢係有貢獻。調動球員，戰策部署，呢d 都係佢既功勞。但唔好忘記，同時佢係犧牲聯賽，攪到利物浦連第四都攞唔到，幾乎成為一支無得衞冕既冠軍球隊，下屆無得打歐歐。唔係利物蒲夠惡，夾硬老屈足總，點會比你英超出五支球隊咁離諎？
第二點，佢引入大量好球員，係事實！但唔該你諗下，佢係引入左幾多十個唔掂檔既球員，最尾先「西」剩呢幾件好野？第一年黎到，引入成班羅底剷！得沙比係對版！加西亞只可以話收貨！個個早斯馬就真係攞你命囉。最重要係打得極差都要場場正選個下嘔血！芬倫幾乎被佢迫走！根本就係用人唯親！仲有個皇馬中場我連名都唔記得……其他仲有一大堆買番黎唔岩駛唔岩用既球員。人地買兩件中一件，我地買五件先中一件。咁既「成就」，無咩值得誇耀者。等如d 人話，車仔個冠軍用錢買番黎一樣。我地咪又係用錢去打造宜家呢個黃金中場組合。仲要係浪費左好多錢先有咁日既組合。
.......
恍然大悟......
佩服佩服
....完全冇唸過...咁仔細........真係要睇多幾年波先得...
