[英超]利物浦中場古天奴以1.6億歐元轉投巴塞隆拿，成為史上身價第二高的球員，簽約五年半，違約金4億歐元 [復制鏈接]

freezefox:其實真係無咩理由買馬列斯。同沙拿撞哂位。 (2018-01-07 18:42) 

波事春秋
22 hrs ·
有傳媒報道利物浦將以50m收購馬列斯，以作為古天奴替身，更有傳今日體測(不過Sky Sports剛剛澄清兩隊並無接觸)。

先不論傳聞真確性，從戰術角度看利物浦收購馬列斯不太有用，因為馬列斯絕招是踢右路左腳內切，這正正與沙拉的洛賓踢法同出一轍，即使來到只會是沙拉踢到累了的後備人選，將任何一人放在左翼，威力定必大減，更遑論還有文尼，斷不能三翼齊飛。

反而放走古天奴後，利物浦更需要補充攻中10號位，因為拉蘭拿雖然已經復出，但始終其中場組織力，長短傳能力，視野默契以至遠射能力皆與古天奴相距甚遠，而沒有古天奴較炮，利物浦只靠兩翼難免令進攻斷開，不能合組之前古埃及文明的強橫攻擊線，故此利物浦須盡快物色攻中人材，而非再買多餘的翼鋒。

每個人都有追求自己理想同夢想既權利既。能達成夢想都係一件好事。

而且佢有阿SO 做盲公竹，應該唔難融入球隊既。

PonG:一去就有西甲冠軍[表情]  (2018-01-07 10:41) 

就算難跌，都希望佢跌返出來

科高蘭尼紐約人:就算難跌，都希望佢跌返出來 (2018-01-08 12:57) 

咁佢都有半季貢獻既..........

不過唔知係咪風水問題 , 呢幾季加盟巴塞既進攻球員 , 好似無個順利..........

科高蘭尼紐約人:就算難跌，都希望佢跌返出來 (2018-01-08 12:57) 

何出此言

廢托:咁佢都有半季貢獻既..........
不過唔知係咪風水問題 , 呢幾季加盟巴塞既進攻球員 , 好似無個順利.......... (2018-01-08 14:21) 

保連奴表現好過c朗~

謝拉傑:保連奴表現好過c朗~[表情] (2018-01-08 15:30) 

暴力應該計返做防守球員.......

巴塞都唔駛睇自己，只要皇馬繼續沉落去就得了。



岩岩又和左一場，又失兩分…………

freezefox:巴塞都唔駛睇自己，只要皇馬繼續沉落去就得了。
岩岩又和左一場，又失兩分………… (2018-01-08 15:44) 

華西個勢都開始轉弱........馬體會開始上力........ 不過9分都幾難追........

羅力亞:波事春秋
22 hrs ·
有傳媒報道利物浦將以50m收購馬列斯，以作為古天奴替身，更有傳今日體測(不過Sky Sports剛剛澄清兩隊並無接觸)。
....... (2018-01-08 12:21) 

出多少少錢買ozil過黎吧~我地好需要呢類派牌球員

Alan0502:出多少少錢買ozil過黎吧~我地好需要呢類派牌球員[表情] (2018-01-08 16:25) 

奧斯爾唔駛出多少少錢買。


出多D 糧比佢就可以了。

其實古天奴我諗一年前係真心想長留利物浦，唔係既話唔會5年約無毀約金都同你續。
佢好明確講過去巴塞皇馬佢只會係一個普通球員，留係利物浦佢就係核心。

我覺得成件事既導火線係尼馬離開巴塞，古天奴見到佢既機會，始終美斯同阿so都已經有返咁上下，而佢先25,6歲，兩年後既佢絕對有能力帶領巴塞，南美球員一直對巴塞有情意結，如果係巴塞佢可以更上一層樓，做埋核心，拎獎杯既機會又的確比利物浦大，話唔定古天奴將來係後美斯同c朗既時代有機會拎到金球。

理智上理解既，利物浦係上升期，就算佢留低，要有能力挑戰英超歐聯都要係2,3年後既事，仲要確保現有既人員唔好走喎，所以佢想走都係情理之中。

係希望fsg唔好袋袋平安姐，暫時fsg既net spending係勁低，係生意角度係好和味...但佢如果唔將呢筆錢投入去市場，高普遲早心淡....

我相信古天奴走一定無早幾年s7走個時咁大打擊，其實今季古天奴係對隊波既作用相對黎講係無早1,2年咁大，今季進攻線多點開花，古天奴既角色都好重要..好靠佢打破僵局，但絕對唔係無左佢唔得....

只要汁下個中場，買個有創造力既replacement同埋好既拍擋比keita，再汁汁個龍門，下年絕對大有作為架。呢100幾m應該係足夠做齊呢2/3約野。

p.s.但我好希望今年歐聯撞到巴塞淘汰佢地

怒射角球旗:其實古天奴我諗一年前係真心想長留利物浦，唔係既話唔會5年約無毀約金都同你續。
佢好明確講過去巴塞皇馬佢只會係一個普通球員，留係利物浦佢就係核心。
我覺得成件事既導火線係尼馬離開巴塞，古天奴見到佢既機會，始終美斯同阿so都已經有返咁上下，而佢先25,6歲，兩年後既佢絕 .. (2018-01-08 16:54) 

古天奴走無S7 走咁大打擊，其中一個關鍵係。我地宜家有高普。


你見到隊波係慢慢打出個FORM 的。當然，宜家仲有好多問題，尤其係中後場。但我相信高普係會執到的。利記係可以更上層樓的。


只要唔好好似佢係多蒙特個陣咁，年年都比對手爭走一兩件主力，咁隊波都仲係值得期望的。

freezefox:古天奴走無S7 走咁大打擊，其中一個關鍵係。我地宜家有高普。
你見到隊波係慢慢打出個FORM 的。當然，宜家仲有好多問題，尤其係中後場。但我相信高普係會執到的。利記係可以更上層樓的。
....... (2018-01-08 16:59) 

首要係保到前4，唔係既話....夏季窗要留到主力同補到人就難了...

怒射角球旗:首要係保到前4，唔係既話....夏季窗要留到主力同補到人就難了...[表情] (2018-01-08 17:06) 

睇宜家個形勢，主力都係同熱刺爭第四名。

睇下熱刺呢班正選可以捱到幾耐了。