第36週比賽 – 球員推薦
本季最大既雙賽即將來臨.
球隊有: 車路士, 史篤城, 愛華頓, 利物浦, 富咸, 紐卡素, 保頓, 熱刺
這些球隊中似乎有很多含有高潛力的球員給您選擇.
咁多雙賽球員,底如何選擇？
前鋒:N. Jelavic: 狀態極好（4個入球，上兩場比賽有49.5分）. 他似乎係本週最好嘅選擇.
迪科爾/艾迪巴約: 艾迪巴約恢復訓練,因此艾迪巴約或迪科爾最少有一場球賽踢. 但係要注意一樣嘢就係好難確定會有其中一位會踢哂雙賽又或者會出哂兩個落埸.
托利斯: 剛為車路士在周二淘汰巴塞隆拿闖入歐聯決賽. 入球信心十足嘅佢,好大機會代替杜奧巴任前鋒.因杜奧巴已近踢足過去兩週球賽, 迪馬堤奧可讓佢休息下去應付黎緊嘅足總盃決賽.
P.Cisse: 在兩客場情況下,現價確係昂貴.如果你資金有多,佢係一個好選擇.如果係平價入佢，就建議繼續用佢．
高治: 事實上史篤城有兩場主場係手，這顯然給佢有緊多機會．同佢都算平價．
我唔建議選擇用蘇亞雷斯(一個字”貴”), P. Pogrebnyak同史杜列治(兩位都反覆無常).已經近季尾，都係選擇可靠球員還好．
中場:雲達華治: 必然正選，為保前四一定會出．經常處理自由球及角球．唔建議現價入佢，如果係平價可繼續用佢．但係要注意一樣嘢就係如果哈利列納同時出哂迪科爾+艾迪巴約,佢就會變咗打翼位.分數方面就會大打折扣.
加里夫巴利: 如果係現價，我會建議入佢多過雲達華治．入球能力高又有機會處理自由球及角球，為保前四嘅主力之一．
丹尼路斯: 阿蘇伊高圖有傷在身,佢可能會取而代之. 唯一要注意係加里夫巴利都有機會代替呢個位置.
卡比耶: 上週有不錯嘅表現，希望他繼續保持水準.
賓艾化: 很難忽視這樣的人才，打咗兩場精彩嘅比賽．
馬田柏度夫: 另一個近期有良好狀態嘅球員.現為球隊全力護級嘅佢，望有傑出表現．
派拿: 過去四場球賽有兩個入球同三個助攻. 毫無疑問係愛華頓最佳嘅中場球員．
艾法寧頓: 選佢，其實同高治嘅理由係一樣．
後衛:菲爾鍾斯/基斯史摩寧: 莊尼伊雲斯有傷, 佢兩個其中之一會拍里奧費迪南.
卡保奧/加拿斯: 因熱刺賽程較好，而且其他後衛仍然在恢復中．佢兩個係不錯嘅選擇．唯一要注意係京治嘅傷勢，佢嘅恢復一定會影響加拿斯出場機會．
巴特蘭/艾殊利高爾/保辛華: 迪馬堤奧可能讓艾殊利高爾休息, 就用巴特蘭取而代之. 推測艾殊利高爾或巴特蘭最少有一場球賽踢,但係唔保證會踢哂雙賽.另外保辛華較前兩者為可靠都可值得博下，另一個原因係三位價錢可算合理．
迪斯甸: 拜恩斯仍然在恢復中,佢會繼續擔任左閘.
梳頓: 韋堅遜有傷,可考慮用佢取而代之.另一個原因係史篤城有兩場主場係手.
D. Santon: 紐卡素後衛之選．如果唔係平價入．就唔建議用佢．
T. Ream: 保頓後衛之選．佢係不錯嘅選擇．
門將:施治: 如果你真的想花費錢，施治係首選。過去幾場比賽車路士嘅防線已經變得穩固，施治狀態已經逐漸復甦．相信這一周可以給你雙位數字．
費度:過去幾週都有失球，但因熱刺賽程較好相信會有不錯嘅表現．
連拿:如果你沒有太多錢，佢係不錯嘅選擇．
希望幫到大家．
以上只係個人推測. 如有不便之處，敬請見諒.
如果今日有其他新消息，抱歉因為我外出不能Update大家．謝謝.
最後祝福大家今週破自己高分.
