寫在世界杯之前(我的球迷/世界杯)
1993年
如果我冇記錯~我應該係小三開始睇波~當時開始睇嘅係香港甲組聯賽~(南華/愉圓/快易通/好易通等...)
由於小學前場係個廣場~通常放學校都會有D高年級同學踢波~當時~如果有時間嘅話呢~通常都會睇一陣先會返屋企~(通常都會係全場為一嘅觀眾)
1994年
小四~係懂事以來嘅第一屆世界杯~美國世界杯~~一個小四嘅學生~調鬧鍾起身睇決賽~
親眼睇住巴治奧射失個12碼~巴西冠軍~
1995-1996年
之後~自己小五小六~都算高年級喇~起學校前面個廣場到我踢喇~
右腳嘅我~踢左邊(因為少人會用左腳~所以左邊都冇乜人踢~冇人踢我踢囉~)~中場~後衛都OK~~仲有時開個角球~~
最記得嘅一次係開角球~前點俾我最好嘅朋友掃入~應該係我起哩個階段最精彩嘅鏡頭~
因為雖然係有踢波~不過踢得都算少~所以好似冇入波~~
當時自己都買佐兩個足球~不過都唔咪正式嘅足球~只不過係塑膠同個好細嘅皮包住D棉花嘅毛毛球(哩個~起自己屋企個廳踢佐幾年~踢到爆為止)~
1997年
升上中學~中學有個泥地足球場~繼續有踢波~都仲係左邊....
唔知點解~唔多仲意戶外活動~踢得比小學仲少~~
1998年
中二~係懂事以來嘅第一屆世界杯~法國世界杯~~
話曬都係中學生~當時~學校多佐好多人講世界杯D嘢~~
當然~第次講起都必定唔會少得我~~~
當個個同學都沒知邊隊打邊隊~邊隊有邊個球星之前~~
我已經可以將32支隊~~邊隊熱~~小組賽~對隊~背返出來~~
當時阿媽都知我仲意睇波~~都會特登將報紙中有關世界杯D嘢~~抽起~留俾我睇~~
當年除佐決賽之外~~我可以睇到好多場比賽~(因為法國世界杯~頭場開波時間同今年差唔多~都仲算早)再(我哋大陸睇波~係唔洗錢嘅~CCTV`中央電視台`屆屆都有直播~hoho你哋香港人唔恨得咁多咖喇~呵)
決賽當然~都好夜起身睇~~睇住巴西點樣俾施丹個光頭頂死~~法國冠軍~
最深刻嘅比賽~唔咪決賽~~係小組賽~~尼日利亞反勝西班牙嗰場~~D入波勁到.....
而尼日利亞另我對非洲足球有了進一步嘅認識~(之前認識係94年嘅喀密隆)~
另一個有趣嘅記憶係~當年好多國家名有個"亞"字嘅球隊入到決賽圈~真係好多多~~多到...我記唔到...尼日利亞~克羅地亞~等等等等等......
1999-2001年
中國足球開始有返D料到喇~~起電視多佐好多睇中甲(而家係你哋所認識嘅中超的前身~當時廣東足球都算幾勁咖~試過有年成個聯賽有3隊廣東球隊)
電視台都多佐好多播歐賽頂級聯賽~意甲~德甲最多~
都仲係嗰間中學~冇乜踢波~~
2002年
韓日世界杯~啱啱考完大學嘅我~真係可以睇曬全部比賽喇我~(大陸稱每四年一屆嘅世界杯~係為我哩D考完試可以睇波嘅升大學球迷~而設嘅世界杯)
當然親眼睇到中國點樣做佐全蛋部隊~當時提出嘅"入一球~平一場~赢一場~入16強嘅"口號~變曬佐0雞蛋~
睇住法國點樣衛冕小組賽都入唔到~~
仲有睇住朗拿度個中國細路仔頭~射死德國~~巴西冠軍~~
2002-2005年
3年大學生活~體育科~你估下我選佐邊樣運動來修呢~~冇錯~緊係足球喇~~
我間大學唔大~~不過都有個標準足球場~一個6人場~兩個5人場~
斷斷續續都算踢佐3年~~不過其中穿插佐好多活動~~我都有打籃球~仲玩埋排球添~~
當時我哋班排球起系度系無敵嘅~~班制冠軍~雖然我唔係主力~不過出場機會都唔少嘅呵~
仲係系代表隊~不過係大後備~打做過一場正選打佐一局咁大把~(當然場波赢佐~因為對手太弱先會出我做正選~呵~~)
算喇~~唔講排球~~講返足球~~~
大學足球~~最精彩鏡頭係~~體育堂~同班入面D人踢5人場~個籠好少~"大約1m(長) X 0.6M(高)"冇人守籠嗰只呢~有冇見過??
都係左邊~我帶波突破~兩個人來攔我~~我推佐兩步~窄位起腳~個波穿過佢哋兩個人四只腳~慢流尾袋入~~講真~真係幾靚球波~~最後嗰場我隊波3:0赢佐~我入佐兩球~~另外嗰球~係偷波成功~單刀面對空門入嘅~~
當然~~我有打班制足球喇~~不過我班得第3~因為我個系足球都算幾勁~~系隊係全校冠軍~隊長係個師兄~罰球專家~真係可以離門20-30碼~罰球~穿人牆~挂網嗰只~~真係勁人來咖~~
都仲係2005年德國世界杯外圍賽~~
睇到哩度~~唔洗我講~~大家都知咩事~~~
唉~唔好提~~唔想以後外圍賽都要人哋讓7-8粒波先有機會可以入8強賽~OK??
2005年7月~~大學畢業~~要返工~~到而家都冇踢過波~~
2006年
終於講到今年~德國世界杯~
冇乜大爆冷~~只係照舊~法國1:0攪掂巴西.......
決賽未打~~成咩好講~~
想講下屋企人點睇世界杯~~
今年搬佐新屋~每間房都有電視~~但一到開波~~大部分時間~每間房部電視都會睇直播~~包括我家姐(久唔久咁喇)
發現佐個我同我老豆都有同一個壞習慣~~開住部電視訓覺~~(有時真係會睇睇下訓著佐~~第二朝仲要返工嗰下衰啊嘛~~)
而我阿媽同家姐都起一次去發廊攪頭發時~~露佐一口關於今屆世界杯知識~~嚇壞佐個發形師(男人)~~詳程唔講喇~~靜係要話你知~~唔好睇少D女仔~~有時有D講波會勁過好多男仔~~
今年世界杯~起我生活中都發生佐好多事~~
包括我第N次失戀~~不過唔好誤會~~絕對絕對唔關我睇波事~~
心情差到~~連平時玩開幾個月嘅online game都冇玩~~
只係記得11點睇16強~8強~~~3點調鍾睇波~~~
生活除佐~~返工~~就係世界杯~~~
過埋今晚~~冇埋世界杯~~~~唔通得返返工咩......
唔得~~~我應該要振作喇~~~趁聽日仲有假(因為今晚決賽~我聽日請佐假~)
我都應該要重生喇~~都成個星期喇~應該要放低喇~~
講返決賽~~~自從法國踢走佐~我心水巴西之後(施丹嗰場~太勁喇~~~)~~我睇好德國~~都冇埋~~
四強中~~我只好將我個心水~~交俾法國~~好彩~~冇事~~入到決賽~~
所以我今晚睇好法國~~~令到我中世界杯冠軍回憶只有巴西和法國~~(94巴西/98法國/02巴西/06法國)
呵呵~~
今晚沖涼時~~諗到哩篇嘢~~另一方面諗緊4年後~2010年~南非世界杯~~到時我會做緊D咩呢~~
我想信~~我仲會繼續追我嘅世界杯~~~會唔會一離開歐洲又係巴西天下呢?(94巴西/98法國/02巴西/06法國/10巴西)???呵~~
希望10年中國打好D~~唔洗人讓7-8球都可以入8強賽~~唔洗要抽到好簽先可以入決賽圈~唔洗做全0部隊~~(入返粒都好啊~~呵~)
最後~~我決定~~
今晚一邊睇決賽~~一邊上好友~現場直播~~
今晚見喇~~~法國加油!!!!~
唔知有冇人會睇曬佢呢~??呵~~
