出口術範圍大得驚人。你點定義？
我落場，見對方球員過勇，我都會走去球證到「依依哦哦」。嚴格黎講，我地稱之為「落藥」。都係口術既一種。
我試過打排球，大大聲同我後邊個隊友講：「你唔駛怕對面殺過黎！佢實殺唔到，我封硬佢。你只要好好守住我後邊，唔好比佢輕托就得。」結果，對方真係比我兩句激將法激到失去理智。下下勁殺，完全唔識變化。我當然如我所願封左佢大部分既殺球。
咁算唔算口術？
踢波個陣，大大聲同自己隊友過：「比佢過，由佢射，佢射唔到架！」從而激怒對方，令對方失去冷靜既判斷，下下自己扭自己衝，一球都唔肯交波。我就當然達到我既目的。
算唔算口術？
我自己就全部都當係口術。而我係經常用呢類口術。我視為戰術既一種。
