如果：施丹入左個球頭槌，佢既足球生涯，將會完美地結束！真正既完美。兩次親自帶領法國奪得世界杯！兩次都係係決賽個人兩中兩元，全個國家隊靠哂佢一個！嘩，簡直係神啦！球王既美譽，當之無愧！上追比利、馬拉當拿，成為本世紀真真正正既王者。
但，入唔入呢球，唔係佢可以話事。
如果：施丹入唔到個球，但仍然揭力打埋餘下幾分鐘。完成最後一場告別戰。不論法國係12碼係勝出或敗走。施丹仍然係優雅地結束佢既職業生涯。每個人提起佢，就記得，佢願意為國家，放棄百萬磅計既薪水，提前解約，全心為世界杯備戰。佢以三十幾既高齡，打完一場又一場既硬仗，帶領法國進入決賽周；佢以令人驚訝既體力同鬥志，係韋拉傷出，亨利換走既情況下，仍然站係球場，打到最後一分鐘！堅毅、偉大、精綞百練，將會係佢既代名詞！
呢點，佢可以操縱，可以選擇。
然而，佢選擇左令人最意外，最莫名奇妙，最惋惜，最憤慨既方法，結束佢既球員生命……令所有人既敬仰對象，蒙上最大的污點………
過憶對眼睛親歷此境………係好多稚子心靈，留下傷痕。要知道，係世界好多地方，熱愛足球既人，係如何的敬仰呢位球王。
除了愚昧，就只剩可惜。
