隨風先頭本來想PM 你, 不過爆左字數@@
其實書院間的分別, 主要在於獎學金、宿位多少、宿舍位置等等
崇基(CC): 最近火車站的書院, 由於最早建成, 佔地極廣, 宿舍雖然較舊(不過有些宿舍如五高五低都好靚),但係房間超大。由於近火車站方便出入, 唔駛次次撘校巴番宿舍,加上歷史悠久, 獎學金都有唔少offer, 所以多數係最多人選的書院。唯一唔好係勁多assembly ,一個sem 7次,一定要到, 每星期都要去上2個鐘@@
新亞(NA):一定係撘校巴先到ge 書院, 同UC 一樣處於好高的地勢。宿舍勁新,D 景超靚,直頭係豪宅景,望到成個吐露港的房間都有唔少。NA CAN 係全CU 最好食(其他0個D 好難食的),住宿都係考慮之一。都要做書院FYP 同一個唔咩project(好似類似發音係"stock",我無去理解係點串), 變相多左野做
聯合(UC): 都係要撘校巴先到ge 書院，宿舍都新淨(有D 番新無耐), D 景都唔錯,不過UC CAN 勁難食(會死的)。同樣都要做書院FYP(stock 我唔sure 駛唔駛做)
逸夫(SHAW): 較新書院, 地置比起UC 同NA 更遠(同UC 差一條大斜路), 宿舍唔算新淨, 但係好處係一個SEM 只需要番3 次assembly , 又唔駛做FYP STOCK 之類, 爽
總括黎講, 選書院其實最主要都係住宿問題, 你上堂唔會關間書院事, 你唔住宿可以九年都唔去書院地頭一次。如果你住好近,無諗住住hall, 一定選shaw ,無野例外野做,assembly 又少, 無理由唔選。如果住, shaw 真係遠同埋D 宿無咁靚, CC d hall life 應該會好玩D, 又近火車站不過你要上得多assembly 同做書院D FYP同project。NA 同UC 我覺得差唔多,如果唔驚番宿遠又唔想番assembly 其實都唔錯。
本來獎學金都係問題, 但由於太多內地生(NDS) 同埋太多勁人, 多數都唔關正常LOCAL 事,唔駛理
要留意番學課室多數係本部上, CC 其實都要撘車上去/你自己行斜路, NA/UC 向下行only, shaw 就多數要撘校巴, 如果唔係行長命斜行死你@@
你有唔明再問我 =]
