溏心風暴~~
「普通朋友」
用鎖門聲黎象徵林峰收埋.. 門後面既女人... 手法高明, 而且幻想如果你係呢個場景入面, 果一下鎖門聲真係會刻骨銘心架... 寫劇本既人真係心水夠清~
「普通朋友」
黎諾懿既角色一向龜縮, 多少會引起觀眾既反感... 忽然變身為正義既朋友, 贏得觀眾拍掌之餘, 亦體現到夏雨想結婚, 完全係因為誤以為大婆已經原諒左細契。真相大白, 觀眾心涼之餘, 又即刻見到細契既急智, 退一步海闊天空。散場以三人相擁的溫馨場面作結, 實為埋下伏線, 要為細契下一輪的攻勢作準備。
「普通朋友」
鍾嘉欣講既野, 淺白得黎到肉, 相信唔少人都感受過, 易引起共鳴。眼淺既觀眾分分鐘眼水都出埋。
「普通朋友」
一句普通朋友, 經大契同陳豪演繹後顯得蕩氣迴腸, 亦成為串連整集的關鍵。
