[英超]利物浦拒絕中場古天奴（Philippe Coutinho）向球會遞交的轉會申請，並拒絕巴塞隆拿一億一千八百萬鎊的報價 [復制鏈接]

freezefox:唔係話佢已經被列入歐聯大軍咩？
玩到咁大對佢無好處。 (2017-09-05 14:27) 

利記唔放佢 真係兩敗俱傷

唔賣已成事實，佢玩咁大最後都係自己傻仔者......

佢既後備基達都已經買左，下年加盟，仲要如果萊比錫聯賽同歐聯成績差，利記可以加錢季中就入貨。

ericlok:利記唔放佢 真係兩敗俱傷[表情] (2017-09-06 00:51) 

剛剛相反，我覺得利物浦係呢次事件上，某程度上反而係「嬴家」。

其實，由古天奴要求轉會開始。呢個「傷害」已經形成！傷害係指戰力既削弱。賣唔賣，可能分別不大。賣左，你只係多左舊錢，唔一定可以補充番損失既戰力。巴塞已經充份證明左呢一點。無左尼馬，得到兩億，我相信無人會認為巴塞係「賺」左的。即使最後終於比佢買到丹比利，但究竟可以減少無左尼馬呢個傷害幾多成？都仲係未知之數。


然而，係賣與唔賣之間，卻會導致球會「傷上加傷」或「減低傷害」兩個不同既結果。而我認為，球會係今次既處理上，絕對係達到「減低傷害」既結果。係事件初期，全世界睇死利物浦一定會賣古天奴。即使高普、球會多次公開強調唔賣，發出正式官方文件話左唔會賣，球迷又好，賭波公司又好。無人信！個個都認定利物浦一定跪低。最慘係，連自己球迷都唔信自己球會。利迷普遍相信利記會放人。咁代表咩？代表球會之前既公信力、形象，各方面都真係好麻麻。呢個係球會多年黎不斷出售主力球員既後果。導至形象低落！間接令自己係轉會巿場，欠缺議價能力。人人都壓你價。又或者吊高黎賣。睇死你最後會屈服。呢類無形既損失其實有排計。但今次事件，令管理層一鋪翻本！球會形象大有改善。原本一遍反對、斥責之聲既大大小小球迷會，論壇，開始出現番撐球會既言論。球會嬴番尊嚴同名聲。亦有利係轉會巿場同其他人議價。係呢一方面睇，球會絕對係嬴家。

反面例子唔駛多講，睇睇阿仙奴同今季既巴塞就知了。


如果係呢個轉會期賣左古天奴，球迷斥責之聲一定此起彼落。球會形象亦會更加一落千丈。但球會企硬之後，直到轉會期完結，用事實去叫好多人收聲！宜家外面既言論，幾乎一面倒咁轉為指責古天奴。甚至愈黎愈多既聲音支持賣走古天奴。係如此群情下，球會下次即使真係賣左古天奴，所要承受既壓力亦輕得多了。何況，遲D 賣，又唔會蝕既。係值一億既，下年賣一樣係賣一億。分分鐘，下年多隊PSG 走出黎爭埋一份，仲可以賣貴D 。


無球員係唔可以賣的！但一定要配合時機。呢個轉會期，絕非適合既時機。等高普重新擬定方針（因為之前係以古天奴為中心去建立隊波，宜家要推倒從來了），揀岩適合既代替人選。下次有充分既買賣時間。到時要走要留，慢慢傾都唔遲。今季已經加入沙拿，下季又有基達投誠。你話如果OX 生性交到功課，到時買多個林馬又好，施利又好。係如此大前題下放走古天奴，未嘗不可。


唔可以比球員大到球會的。否則，下季文尼又話罷踢，沙拿又話罷操。你禁得邊個？尤其係基達。佢幾乎講到出口，最終轉會目標係巴塞。你次次都比人大到。基達今季黎到下季就話走人了，你隊波點攪？所以，利記唔放人，仲要係立場極其強硬，就係要向世人展示，一隊傳統大球會應有既氣魄！

相反，今季巴塞係轉會巿場既憂猶寡斷，就真係令自己傷上加傷啦。

尼馬出走，等如係巴塞心臟到插左一刀。PSG 唔係買走佢一個主力球員咁簡單。係直頭買走左巴塞既末來。係人都知尼馬準備係接美斯棒，成為巴塞下一個五年，甚至十年既精神領袖。有邊個估到，二億既違約金，竟然都會有人肯付出。所以，尼馬出走，嚴格黎講唔係巴塞既錯。只係呢個世界顛左者。同樂視用幾億去投個英超番黎，之後破產。一樣咁耐人尋味。唔知為咩。不過，你好難相信卡塔爾會破產吧。區區兩億對佢黎講算得係咩？

巴塞錯就錯在，係尼馬出走後，無好果斷咁補救個問題。佢係就係周圍問價，周圍BID 人。但小家小氣，旁門左道。手持大量現金，出手卻如師奶買送。就係咁，先會攪到用成億買個丹比利，都仲要比賣家狂串。咩大球會既風範都無哂。呢邊買古天奴又係鬼鬼祟祟。成日想拎著數。買唔成古天奴次要，展示比世人睇你D 小家野先要命，又ADD ON 又分期，何其肉酸。最後仲要懶係利物浦叫價過高。無野搵野黎講。最令人費解，係施利既交易。如果有心買，一早攪掂啦。駛咩攪到爛尾收場？如果無心買，純粹做場戲黎威脅利物浦及多蒙特。咁佢真係又害左一個球員了。


對面皇馬呢兩季都唔駛點駛錢。但陣容強大到仲可以放走埋積洛迪古斯同莫拉達。巴塞今季，憑咩同佢鬥？

freezefox:相反，今季巴塞係轉會巿場既憂猶寡斷，就真係令自己傷上加傷啦。
尼馬出走，等如係巴塞心臟到插左一刀。PSG 唔係買走佢一個主力球員咁簡單。係直頭買走左巴塞既末來。係人都知尼馬準備係接美斯棒，成為巴塞下一個五年，甚至十年既精神領袖。有邊個估到，二億既違約金，竟然都會有 .. (2017-09-06 19:01) 

皇馬近兩年真係同巴塞掉轉
用多左好多本土新人
反而巴塞青訓開始斷層
靠買人補數

講開分期

我突然醒起呀so好似又係分期？記錯請指正

羅力亞:皇馬近兩年真係同巴塞掉轉
用多左好多本土新人
反而巴塞青訓開始斷層
靠買人補數[表情]  (2017-09-06 19:04) 

曼慘係佢買番黎既都唔知係咩黎。上季買個安迪高美斯，今季買個迪路菲奧，保連奴………



呢D 係西甲頂級球會既質素？保連奴之前連熱刺都踢唔掂。迪路係愛華頓連正選都無…………

freezefox:曼慘係佢買番黎既都唔知係咩黎。上季買個安迪高美斯，今季買個迪路菲奧，保連奴………
....... (2017-09-06 19:11) 

Gomez deadline day差d借左去tot/西咸

羅力亞:講開分期
我突然醒起呀so好似又係分期？記錯請指正[表情] (2017-09-06 19:07) 

係呀！就係見你利記好蝦咪食過翻尋味囉。


我諗，多蒙特賣丹比利，唔會肯比你分五年比錢掛…………



所以，有時D 野，自己都唔企硬，就真係唔好怨人地恰你。

freezefox:剛剛相反，我覺得利物浦係呢次事件上，某程度上反而係「嬴家」。
其實，由古天奴要求轉會開始。呢個「傷害」已經形成！傷害係指戰力既削弱。賣唔賣，可能分別不大。賣左，你只係多左舊錢，唔一定可以補充番損失既戰力。巴塞已經充份證明左呢一點。無左尼馬，得到兩億，我相信無 .. (2017-09-06 18:46) 

最唔抵得D Free Coutinho既言論, 好似奴主扣住奴隸, 錯在會方. 簽約時你情我願, 就係要保障番球會同球員利益, 球員受傷一年半載, 球會一樣要出糧, 可唔可以話Free the Club, 擺俾人工, 遞信要求解約?

支持「贏輸論」講法. 七八年前維拉死都唔放Barry單野, 講到宜家都仲講緊, 記得既係Martin O'Neill硬頸同有骨風. 今日Klopp同Henry哥同一陣線企硬, 將來一樣記得!
  

posouth:最唔抵得D Free Coutinho既言論, 好似奴主扣住奴隸, 錯在會方. 簽約時你情我願, 就係要保障番球會同球員利益, 球員受傷一年半載, 球會一樣要出糧, 可唔可以話Free the Club, 擺俾人工, 遞信要求解約?
支持「贏輸論」講法. 七八年前維拉死都唔放Barry單野, 講到宜家都仲講緊, 記 .. (2017-09-06 20:02) 

Free Coutinho.....


講得出口條友真係小學雞到令人捧腹大笑。

freezefox:相反，今季巴塞係轉會巿場既憂猶寡斷，就真係令自己傷上加傷啦。
尼馬出走，等如係巴塞心臟到插左一刀。PSG 唔係買走佢一個主力球員咁簡單。係直頭買走左巴塞既末來。係人都知尼馬準備係接美斯棒，成為巴塞下一個五年，甚至十年既精神領袖。有邊個估到，二億既違約金，竟然都會有 .. (2017-09-06 19:01) 

某程度上都同意

球會以外既人黎睇，呢個係一個將球會既形象放置係金錢之上既表現。
我覺得會為此而感到高興既球迷會多過失望既球迷，始終錢唔係自己出，又唔係自己袋。
但係而家呢個瘋癲市場上面做到企硬，向錢說不，你話懶係型都好，都係爽既

Gabriel:某程度上都同意
球會以外既人黎睇，呢個係一個將球會既形象放置係金錢之上既表現。
我覺得會為此而感到高興既球迷會多過失望既球迷，始終錢唔係自己出，又唔係自己袋。
....... (2017-09-07 09:37) 

當然呢樣野唔係用黎鬥氣。謹慎既理財亦係十分重要。如果古天奴剩低一年約，我唔會反對賣走佢。因為形勢上你係處於下方，可以議價既空間不大。


但古天奴仲有五年約，無買斷條款，無論邊一方面睇，球會都全權掌控住個主導權。實在無必要急於一時。


我同意，球員無心再為球會效力既話。我地無必要同佢糾纏落去。但一切太早下判斷吧。睇番迪基亞，之前一直嘈住要轉會，又攪到比球會雪。咁宜家咪又係為曼聯把守住最重要個一關。球員心態，係會變的。球會爭氣，做到成績出黎，球員未必唔肯留低的。呢D 都係相對的。唔可以輕易跪低，但一尾高壓亦都無意思。


所以我認為，要比時間。無論係對球會或球員都一樣。高普，今年先係第二年教咋。

其實有好多人對FSG唔妥，好多陰謀論，最終收哂聲。

成日小FSG賣人之前都會做到個球員係賤人、背信棄義之類，等所有人都覺得球員係始作俑者，就高高興興賣人賺錢。

點知呢單野就成班Anti-FSG都收哂聲啦，企硬唔賣。

我唔知高普係咪真係咁神咁有牙力頂得住班高層唔賣，但真心覺得呢條友係有佢既魅力。

都唔知幾多年無聽過球員係自願黎利記......

Philippe Coutinho returned to Melwood today for full training for the first time since demanding to leave Liverpool.

Coutinho was among 10 players who were back from international duty ahead of Saturday's Premier League visit to Manchester City.


The Brazilian is in contention having not featured for Liverpool this season due to a back problem which coincided with him handing in a transfer request amid interest from Barcelona.