講真，我絕對唔認為熱刺既球員員會有絲豪既不愉快，更加唔會唔舒服。相反，我認為羅比堅尼會十分自豪，可以係高貝利呢場最後一場既比賽入到波，寫下歷史既一頁。
我相信事後既評論，亦唔會有人提到「體育精神」云云，只會提到堅尼呢球既歷史性意義。
尋日睇直播，原來阿仙奴迷對熱刺，有個幾老套既不成文規定。每年當肯定熱刺既分一定過唔到阿仙奴後，就會有個唔知咩鬼「紀念日」之類，極盡侮辱之能事。今年………啊……呢個紀念日無左囉。
所以，熱刺既球員入到阿仙奴波，只會開心高興。絕對唔會唔舒服。你地咁諗，幾乎可以話，純粹係一厢情意。
講真，我係羅比堅尼，我都唔會有hard feeling。因為我都幾肯定，易地而處，阿仙奴既人一樣會攻，一樣會置對方於死地。肯定！因為佢地同樣係專業既球員。
