大家認為邊幾隊能晉級歐聯四強??? [復制鏈接]

首回合賽果：

里昂0-0AC米蘭
賓菲加0-0巴塞隆拿
阿仙奴2-0祖雲達斯
國際米蘭2-1維拉利爾

--------------------------------------

先講AC米蘭同里昂，

首回合AC米蘭未能取得作客入球
次回合返聖西路比賽，雖然AC米蘭會有主場之利
但人家里昂係次回合卻應有主將P.祖連奴復出

呢位罰球專家40碼o既罰球都可以直射入網，手擺都冇咁準
所以米蘭返到主場，對里昂進行防守時，估計會特別小心翼翼
特別係中路o既防守，免得係有利位置讓P.祖連奴有射罰球o既機會
由於估計防守得要謹慎，某程度等於要縛手縛腳咁去守
反而對防守o黎講，加重左負面o既影響

只要里昂入到一粒，米蘭就要攻入返2粒先可以晉級
當然，以米蘭o既火力，要係主場入2球，都唔算係難事


所以，我個人認為米蘭有6成半機會殺入4強

--------------------------------------------

然後講同樣係0-0 o既巴塞隆拿同賓菲加，

同里昂情況一樣，賓菲加只要攻入一球，巴塞隆拿就要入返2球先可以晉級
不過，賓菲加晉級機會比里昂細
雖然賓菲加o既攻力唔錯，但係首回合主場時，
面對缺少佩奧爾o既巴塞防線都未能成功將波放係網入面
o黎到次回合，巴塞既有主場之利，又有佩奧爾停賽完畢
相信賓菲加要取得作客入球o既難度比里昂大

就算真係比賓菲加拎到作客入球
主場出擊o既巴塞，都相信有足夠攻力去令自己晉級

對於巴塞o既唯一隱憂相信係週日凌晨要大戰皇馬
最怕踢完呢場大戰，體力受到影響，甚至有傷兵o既出現

估計，巴塞隆拿有7成機會殺入4強

-----------------------------------------------------------

宜家講講阿仙奴同祖雲達斯

阿仙奴首回合唔單只以2比0擊敗對手，仲令到祖雲達斯係次回合時失去3名大將
韋拉,甘莫蘭尼斯同薛比拿都係祖雲達斯o既主力球員
再加上迪比亞路未必能趕及上陣
雖然次回合有尼維特復出領軍
但相信佢都好難彌補晒失去幾位大將o既影響
唯一慶幸o既，係呢位拚命三朗，佢打不死o既鬥志，用唔完o既體力
正正係宜家祖雲達斯面對劣勢時最需要o既野！

再者，祖雲達斯堂堂歐洲一線勁旅，點都唔係得個名o既
再加上主場之利，邊個敢話佢地無能力係主場攻入返阿仙奴2球?

只要祖雲達斯90分鐘內入到2球，比賽就會進入加時，
換句話說，到時，佢地有多30分鐘o既「主場之利」

當然，話分兩頭，阿仙奴攻入一球，祖雲達斯就要入四球先可以反勝，
又或者真係進入加時，平均年齡較輕o既阿仙奴，體力方面又應該變得有利

點睇都好，宜家領先兩球o既阿仙奴，晉級四強o既機會一定比祖雲達斯大
但絕對唔係穩入四強

保守估計，阿仙奴有7成半機會殺入四強

----------------------------------------------------------------

最後一場，亦係形勢最緊湊o既一場，國際米蘭同維拉利爾

維拉利爾作客聖西路一分鐘就取得重要o既作客入球
而且最後只係僅負2比1
只要返到主場，小勝1比0，佢地就可以晉級四強

係列基美o既帶領下，其實維拉利爾要係主場入一粒絕非難事
問題反而係佢地可唔可以守到國米，唔俾佢地拎作客入球呢?

睇返首回合，其實維拉利爾o既左路出現左唔少問題
俾國際米蘭右路o既球員好多空位
J.辛尼迪更數次個人盤扭突破添

或者，某程度上係因為蘇連o既助攻意識太強
導致有時未能及時回防之故吧

不過，其實維拉利爾係西甲中，係其中一隊防守得最穩建o既球隊
今年歐聯分組賽，主場對曼聯都可以保持0失球，所以，國米要拎作客入球，都唔係想像中咁易

首回合領先o既國米當然比維拉利爾有更大o既晉級機會
不過，因為失左個作客入球，基本上又可以話無咩大優勢可以

所以，我估計國米晉級o既機會係5成半而已！

我覺得維拉利爾，巴塞，米蘭同埋阿仙奴晉級

維拉利爾只要小勝一球就可以晉級...
晉級既機會的確比國米大

巴塞雖然要對左皇馬先..但係兩場都係主場迎戰
同埋以賓菲加既實力..作客要守和巴塞1:1或者嬴0:1
真係冇乜可能..

里昂主場對AC米蘭都係0:0..去到第2回合都好真係好難打
尤其AC米蘭主場D攻力有1定既保證..
同埋宜家卡拿迪斯踢中堅位越踢越好...令到AC米蘭條防線都穩陣左好多
同埋里昂歐聯晉級未受過d咩大考驗..
只係係分組賽對過皇馬..其他作客都係對d實力較弱既球隊
燕豪芬都已經唔係上年個隊..
宜家要作客AC米蘭...相信應該都好難守和或者嬴埋

祖記主場對阿仙奴..冇左甘莫蘭尼斯同埋韋拉呢兩位大將
真係好難打...阿仙奴今年仲要踢歐聯特別勁..
條防線表現又好...要入兩球真係有1定既困難
伊巴今年個態又麻麻..所以阿仙奴的確可以睇高1線

始終覺得里昂有機....

P.祖連奴一下FK....已經有一半機會得到作客入球....

始終對手有罰球專家，米蘭防守真係會受影響o架


至於巴塞隆拿，發揮正常的話，要晉級唔難o既

下面是引用迪克於2006-03-31 04:57發表的:
始終覺得里昂有機....
P.祖連奴一下FK....已經有一半機會得到作客入球....
始終對手有罰球專家，米蘭防守真係會受影響o架
.......

巴 賽 唔 出 伊 度 奧 就 得

ac同巴賽都羅唔到作客入球有隱憂

今屆真係好難講喎~~

我覺得阿仙奴同巴塞係八成入到四強

我就唔信賓菲加可以係巴塞身上偷多次雞....
而且賓菲加其實都無lum過要入波....所以巴塞既危機相對A米黎講係較細

其他兩場真係好難講

里昂
巴塞隆拿
阿仙奴
國際米蘭

以下係本人既估計﹕

AC米蘭 - 主場險勝里昂出線
巴塞隆拿 - 主場輕勝賓菲加出線
阿仙奴 - 作客和波出線
維拉利爾 - 主場贏1-0，作客入波優惠出線

AC 米蘭/阿仙奴/巴塞隆納/INTER.

AC 米蘭/阿仙奴/巴塞隆納/INTER.