賽季過左三份一多少少.... 等我黎個遲來的三份一(有多)賽季小總結先~~
今個賽季, 一直領放嘅係king charles帶領嘅祖雲達斯. 眾人都跟喺後面. 直至king charles喺第九週過後, 決定外遊三星期, 情況就有所改變..... 呢三週嘅九分入面, 祖記只係拎到三分. 而喺呢個時候, 一直都表現平穩, 守喺祖記後面, 由joe仔帶領嘅拉素就乘機霸佔榜首位置. 咁其實都唔係太出奇, 因為如果睇返球隊總分, 拉素確實比較突出, 比起總分排第二但聯賽排第六, 由ckl帶領嘅巴勒莫多出40分. 現時情況就係, 榜首兩隊祖記同拉素暫時拋開其他對手起碼4分, 其他隊伍要努力了....
餘下一個升班席位, 暫時屬於阿童木帶領嘅博洛尼亞. 其實博洛尼亞季初亦係同祖記同拉素成三頭馬車之勢, 不過輸左上一場之後, 一方面被前面兩隊拋開, 另一方面亦被後面兩隊追上至兩分之差. 呢兩隊分別就係由蠔哥帶領, 仍然保持不敗嘅基爾禾, 同埋本人嘅切塞納(
). 留級嘅最後一席位就屬於上面提及, 總分排第二嘅ckl嘅巴勒莫.
中游位置嘅分數咬得好緊, 隊伍之間嘅分差好細, 所以好刺激, 當中領先緊嘅係yin同chun兩位難兄難弟(分別帶領費倫天拿同烏旬尼斯), 而同分嘅仲有long d帶領嘅萊切.
榜尾形勢方面, yan姐嘅阿特蘭大暫時喺聯賽未嘗一勝, 以5分敬陪末席. 尾二位置嘅係名稱已被使用帶領嘅布雷西亞, 暫得8分. 喺總分排第8嘅由呀威領軍嘅巴里, 喺聯賽竟然只能夠排尾三. 而近況甚佳嘅kai王帶領嘅卡坦尼亞, 受惠於最近嘅兩連勝之下, 連取6分後以10分排尾四.
數據:
季初最佳: 祖雲達斯 - 9戰7勝2和, 近乎完美的開季.
近況最佳: 拉素 - 3連勝, 近5場羸4場和1場, 近10場不敗.
近況最頹: 阿特蘭大 - 近6戰1和5負, 要翻身係時候發力了.
正在反底: 卡坦尼亞 - 首10戰4和6負, 然後現在兩連勝. 到底會唔會維持到落去呢?
正在下沉: 巴里 - 季初3戰2勝曾帶俾球迷希望, 可惜之後無以為繼, 未嘗一勝, 近9仗3和6負.
銅牆鐵壁: 基爾禾 - 12戰後只失3球, 平均4場失一球, 絕對堪稱銅牆鐵壁.
和和氣氣: 仍處於季衫嘅第二週, 8場聯賽只有3場分出勝負.
不再和氣: 剛過去嘅第12週, 原來係本賽季第一次出現冇和波嘅一週.
