引用第2124樓亨利仔於2011-09-12 19:54發表的“”:
有冇人教我玩3V3 [表情]
認真,3v3極講究配合,
而想做好配合,先決條件就係武將之間要有所謂ge "combo".
所以選將係極之重要ge一環,呢一part雖然係做主帥果個人負責.
但唔代表你無心做主帥就唔駛了解當中ge情況,因為主帥選完將派個人俾你,
你唔識配合都係無用..
基本上好多人都知郭嘉劉備係3v3入面最受歡迎ge武將,原因正正就係佢地配合能力無人能及.
好多人講起3v3..都一定會講"經典陣型"..
經典陣型有好多..例如:
劉備+大喬+張角
(大喬長期樂住對面,加張角改判必中樂,大喬又可以流漓殺俾張角,有劉備,大喬+張角大把牌用..對面只能靠運氣抽一堆南蠻/決鬥,殺亦只能殺劉備,但到劉備郁又回到一血..而且有大喬玩樂.你有牌都未必有機會出..加上張角必中雷擊,基本上好快分到勝負)
甄姬+張角+司馬
(甄姬洛神配張角+司馬改判雙重保險,甄姬抽到連弩基本上已完game)
郭嘉+月英+華陀
(我親眼見過一次,月英由頭玩到尾..因為佢好彩抽到連弩..殺郭嘉,殺/錦囊俾月英,紅牌俾華..基本上無限牌...當然抽連弩講運,但就算無連弩,郭嘉+華陀本身已經係超屈組合..)
上面呢堆成到陣基本上一開將已經贏左9成9了..
不過講呢d陣型其實意義不大,因為砌得成陣ge機會實在太過細.一來開到晒指定三個武將機會唔大,二來對面跟本唔會俾你揀晒呢三個將..
所以講左咁耐其實都係廢話居多
雖然砌成經典陣機會渺茫,但砌得成半陣就唔難了(陣型入面其中兩個武將).而半陣基本上都已經見到威力了.
或者講多d普遍情況..基本上武將可以分為幾類.
配牌類:郭嘉,劉備,諸葛(半個)
補血類:孫尚香,華陀
控場類:張遼,甘寧,大喬
爆發類:黃盖,月英,張飛,甄姬
穩傷類:呂布,貂蟬,黃忠,馬超(半個)
獨立類:孫權,呂蒙,曹操
另類輔助:張角,司馬,小喬
以上有提及ge武將都係3v3值得考慮ge選擇,無提及ge一般比較冷門(或者我一時講漏左
)
配牌類+爆發類係一個好組合,有機會就要即刻揀左先,或者令對方揀唔到.
如果完全無好ge組合可以砌到,不妨考慮穩傷陣,穩傷意思就係穩定輸出,果個武將每round至少扣到對面一血,(個人意見:貂蟬係首選>黃忠>呂布>馬超)
張遼係我3v3最愛用ge武將之一,每round開波接近=兩次必中順手.對面想keep好牌非常難,想keep桃更難..對面有人手牌少摸完再打佢更加happy
其實有太多太多ge情況同組合,唔可能會講得晒,而且同類型入面比唔同人配合會有唔同ge效果.
例如郭嘉配華陀,劉備配尚香先發揮到最大作用..兩個調轉效果就大打折扣了.
甄姬無張角司馬唔建議揀,黃蓋無華陀唔建議揀,月英無配牌類唔建議揀,張角無配牌類又無甄姬唔建議揀
小喬好巧妙,同曹操,郭嘉,華陀都有唔同程度上ge配合,但無呢三個人就唔好用了
武將方面大致上係咁多..始終要玩得多先會熟.
到實戰方面,大家都知勝利條件係殺死對面主帥,咁係咪代表淨殺主帥呢?
咁當然就要睇情況la(廢話
)
其實每個人都有自己玩法,不過如果各自為政,好易反勝為敗..
純個人意見..以下人物係正常情況下為首殺目標:
華陀,張遼,無裝武器或-1馬而且佢隔離唔係張角或郭嘉ge大喬,甘寧,孫尚香,黃忠,貂蟬,呂布,馬超
(即補血類,控場類,穩傷類..補血類優先)
因為呢類人物一日唔死,你一日都無好日子過..又或者極難殺死其他人..
郭嘉基本上一定唔搞得..我實在見過太多人明明強勢但因為搞佢而反輸..
除非你肯定肯定佢必死(一血+佢全隊友無桃),否則真係咪亂黎..另外..如果你要放aoe,記住set好方向..先打佢隊友後打郭嘉)
劉備唔係唔打得.但要搞就唔好搞一血,咁係浪費手牌ge行為..你無信心呢round扣到佢兩血以上就唔好搞佢住.你有樂不另計)
而且你殺左佢果邊個爆發類武將,劉備就廢左好多了.所以寧願先殺爆發後殺劉備
張角大家都明白la,除非你肯定佢無閃,唔係就唔好打了..萬箭都忍痛唔好放..
有甘寧黃忠貂蟬或者張遼佢基本上就廢了大半..如果無,過河/順手優先搞佢,佢小手牌果時集火佢,佢得3血,你再扣到佢血,基本上佢好難keep手牌,再加上南蠻,決鬥幫助,就可以搞掂佢.
講得太多了..(雖然廢話居多)..
等大家補充好了..
