差d唔記得... report返第45輪先~~
leeds 主場1-0擊敗 burnley, 可惜呢場勝仗實在黎得太遲.... 要爭奪第6名可說是只餘下數字上嘅機會. 因為同日forest主場5-1大破scunthorpe. 呢場大勝關鍵在於, 不單止確保球隊保持3分領先第7名嘅leeds嘅優勢, 更加將雙方嘅得失球差由2球拉開至6球. 否則最後一輪, 不能落敗嘅壓力會大增, 而家起碼係, 輸少少都仲有6個得失球在手, 唔會咁易俾leeds過頭....
第5位嘅reading 作客零和coventry, 繼續守住第5位. 而swansea作客millwall以2-0取勝, 將第4位嘅領先優勢擴大至3分, 最後一仗只要賽和已經可以確保第4. 而由於cardiff最後一戰都算係硬仗一場, swansea而家只落後cardiff兩分, 絕對有機會搶到第3返黎.
QPR作客2-0擊敗watford, 正式確保升班資格, 再加上於英冠封王.
至於最多人關注嘅兩場, cardiff vs boro開波先. 開賽2分鐘作客嘅boro已經由leroy lita射入職業生涯第99個入球先開紀錄, 不久之後, barry robson同smallwood再增添紀錄, 上半場一半未過已經領先3球. 結果cardiff亦以0-3落敗. 而緊接開波嘅係norwich. norwich只要羸場呢場就能拋開cardiff4分, 從而提早確保直升來季英超. 甫開賽norwich已經做到機會, 中堅whitbread接應罰球, 離門3碼竟然頂唔中龍. holt喺上半場中段亦有一個機會, 好靚咁將個波從空中痴落黎, 同時間擺脫mokoena嘅防守, 可惜之後鵝篤過keeper一下唔夠力, 俾mokoena護空門. 然後就係下半場初段, 季尾狀態大勇嘅simeon jackson接應傳中一頂破網, 結果norwich就係憑藉呢記頭槌, 作客1-0擊敗portsmouth, 全取3分確保升班!!
經過呢輪比賽, 直接升班的兩隊已經確定, 分別係qpr(第3者買賣違規事件影響未計算在內)同norwich, 而確定降班嘅係preston, scunthorpe同sheff utd.
preston上半季成績實在太差, 換掉darren ferguson已經太遲.
sheff utd早幾年喺英超出現, 而降班後一直都係實而不華嘅英冠份子, 估唔到今屆竟然搞成咁.... 兩隊sheffield球隊一齊喺第3級別聯賽碰頭, 其實都幾sad. 不過氣氛極佳嘅同市打吡將會再次於聯賽上演, 都幾刺激.
最後係神奇球隊scunthorpe. 如果話黑池喺英超生存到係一個奇蹟, 咁scunthorpe上屆升班後成功護級, 可以話係差唔多程度嘅奇蹟. ht電腦隊伍都有個7人場, 而呢隊scunthorpe, 球場只容納到5千人, 而且極度缺乏資金, 上屆喺非常有限度嘅資源下竟然成功留級, 真係好驚人, 更打起了神奇射手gary hooper, 佢可以話係單天保至尊. 可惜今屆季初被celtic以2m買走左, 所以都預料到今屆一定會非常難捱, 結果亦真係捱唔住, 好可惜. 但以佢地規模黎講, 打兩季英冠絕對可以話係超額完成任務, 隨時會係球會歷史上光輝嘅一頁.
再順帶一提, brighton同southampton來屆將會升上英冠作賽, saints同pompey呢個南部打吡又會再出現了. (ok, 其實southampton數字上仲未100%肯定升班, 不過第3名嘅huddersfield最後一輪要追返3分同埋17球嘅得失球, 機會應該極微吧)
QPR同norwich升班, 就好似回到從前一樣. 英超成立嘅時候, 呢兩隊都係英超份子, 而家就有d好似回到20年前一樣.....
