隔牆有耳： now新聞記者撳錢當花紅
小小超旗下 now寬頻電視推出遊戲節目《撳錢》，由於呢個派錢遊戲獎金達 10萬元，八方聽聞 now新聞台記者都以「大包圍」方式一齊撳錢，上星期五出擊贏咗 3,000幾蚊，發咗一筆小小新年財。
自稱為「屈機團隊」嘅撳錢兵團據講由 16人組成，當晚各自喺屋企對住螢光幕「撳錢」，同時用手機透過 SMS交流答案，「大包圍」戰術果然奏效，加上集體智慧，一擊即中答啱八條問題，可惜當晚有 31人全中平分 10萬蚊大獎，即係「屈機團隊」只係分到 3,226元獎金，再由 16人瓜分，每人分到 201蚊。
有 now行家向八方講，香港寬頻新聞台今年出兩個月花紅，但 now新聞台卻未有消息，因此佢哋會再接再厲，希望可以「撳」番份花紅出嚟。
from apple...
