引用第77樓ArSo於2010-05-17 23:38發表的“”:
方便同慳錢
自己做選擇既姐 [表情]
唔駛理價錢既話，我就梗係支支都2.8 加IS 啦（除左小白，因為仲要考慮重量問題）！但正正因為要考慮價錢問題，所以先要取捨。講清楚D，即係性價比既問題，同埋你有冇呢個需要既問題。
舉例，騰龍支A16，17-50 F2.8，初代賣三千蚊，支鏡得到好高評價。除左因為成象銳利，性價比正正係關鍵。三千蚊可以買到咁既質素，抵到爛啦。唔係都唔會出到街見到人人一支啦。
好啦，到第二代，佢加個防震落去，個價錢貴百分之五十有多！支鏡既最大優點：性價比高，即刻無左。四五千蚊買呢支鏡？唔係掛？17-50 呢個焦距，防震係咪真係咁重要先？仲要有2.8 大光圈，你打大兩級光圈，推高一兩級ISO，咩都夠啦。若然咁都唔夠，即係個個環境本身就唔應該唔用閃燈或者唔用腳架。你加防震都無意思！
又例如，CANNON 支百微，初代三千零蚊，第二代一加防震，變細圈鏡，即時起個雙，賣到成六千幾！值唔值呢？你自己衡量。你可以話，影微距喎，成100M喎，好易手震喎，有梗係好啦。但我又會諗，我拎得出黎影微距，都係日光日白既天時啦，快門慢極有限啦，無防震真係唔得？幾千蚊喎。所以若然我買呢支鏡，我會買無防震個支，平幾千唔好？
當然，遠攝鏡黎講，防震係一項好重要既功能，多兩級就係多兩級。只係呢級係要用錢黎換咁解者。比得起，點解唔買？
