duff，你個人既缺點就係太易放棄。少少唔稱心如意就放棄。當初話開組又係咁，開檔唔夠兩日又話放棄，宜家又係咁，結果都未出又話放棄。你點做大事呀將來？
其實成個比賽入面，我地都睇得出你好比心機，好積極投入，有熱誠。但作為一個領袖，上述既條件唔係唯一。你更加需要冷靜同埋理智去處理事情。結果出到黎可能唔滿意，但失望既一定唔止你一個，你d 團員都會失望。尤其當中有唔少仲要好高分既，勝出多場既，佢地既失望一定唔會少得過你！但佢地最失望既，唔係團戰敗北，或多或少可能都已經有心理預備。佢地最失望既係，戰果都未公佈，自己個阿頭竟然已經扯白旗！最失望既係，自己個阿頭竟然無視團員曾經付出過既努力，爭取到番黎既佳績，只係將目光放哂係「輸」一個字上。
呢個時候，作為一個團員尚且都無自怨自艾，作為一個領袖，反而認輸？一個領袖係呢個時候更加應該第一個收拾心情，出黎講番d 鼓勵人心，振奮士氣既說話！應該出黎多謝支持左你咁耐既成員！應該出黎話比大家聽，呢個團體係有希望既，係有將來既！輸一次唔係輸哂，你地係有足夠本錢捲土重來既。
我之前已經講過，一場比賽，勝負唔係唯一既結果。你可能輸左個比賽，輸左d 好友元。但同時亦羸到好多野！你羸左其他團體既認同，你羸左團員對你既尊敬，你羸左寶貴既領袖經驗，你羸左係過程中既享受！最重要既係，你羸左作為下次LS 比賽既最重要「資產」！你已經有一個成立左既團體，你手上有好多人材！有團員無私奉獻成幅身家比你！有團員成績突出！有團員係成個過程中積極參予討論！呢D 先係你下次係LS 翻身既資本！而唔係好友元！你唔好攪錯！
點解你只可以見到失去既，卻見唔得，你得著既比失去既更多呢？
[ 本文被freezefox在2009-04-06 10:13重新編輯 ]
