[英超]阿仙奴出價4000萬零1鎊求購蘇亞雷斯被拒  但觸動條款球員可與買家直接談判 [復制鏈接]

freezefox:啊………原來係阿SO 話………
....... (2013-08-07 10:40) 

我憑佢話唔怕將單野交上法庭，所以我揀信佢講既野係真

每個人有唔同既意見
大家都唔係當事人.. 大家都係憑報導去判斷件事
點解你要走黎challenge我呢?

難道你係利記既股東/班主/高層/代表律師?，你見過份約?

阿清:你咁既回覆，仲可以傾咩[表情]
一開頭我已經寫"如果"
下下都要係當事人，清楚詳情同實質內容先可以回覆..
....... (2013-08-07 10:46) 

你自己引述既野本身都唔成立啦。

PROMISE ME SOMETHING A YAER AGO


仲有冇比呢句野更加含糊既句子？SOMETHING？咩係SOMETHING？應承左咩野？全部無講。你個句「如果」根本係「免責條款」！即係話，拿，我話如果咋……

然後後面一句就得埋黎：「堂堂一間大球會…」


你根本有哂結論！利記「堂堂一間大球會」，「反口覆舌」！


討論係咁既咩？

freezefox:如果真係合約有寫，佢可以唔需要利記同意，係某個條件達成下就可以直接轉會走人，例如有人出超過4千萬磅，利記就唔可以唔比佢走（咁其實即係買斷條款啦）！
佢仲有冇咁得閒同我地係到磨哎拿？
....... (2013-08-07 10:45) 

咁都未必, 國際例無論如何都要球會出permit , 球員先可以直接與對方球會傾合約

大家都 冷靜d

阿SO 連球會「PROMISE 」左佢咩都無講，含糊之極。又話寫左係合約到。


你用常理去諗下，如果有條款係合約到列明，仲要係無灰色地帶，清清楚楚既，阿SO 走左啦，駛咩係到磨呀。好明顯大家對合約上某D 條款係理解上存在好大分歧。阿SO 「認為」佢係可以走人，球會「答應」左比佢走。但球會個態度好明顯：「無D 咁既事！」

點解你會認為係「如果」利記反口呢？點解你唔認為係阿SO 要走人，係到出口術呢？凡事都要講理據架，係咪？你認為利記理虧機會大既話，你所持既理由或理據係咩呢？從邊方面你睇到，利記違反合約既可能性好高呢？


除左當事人，有利益衝突既阿SO 佢所講既，十分無說服力既證供外，仲有咩蛛絲馬跡令你覺得利記係理虧個個呢？

freezefox:你自己引述既野本身都唔成立啦。
PROMISE ME SOMETHING A YAER AGO
....... (2013-08-07 10:51) 

我一開始話"如果"利記有應承過
咁宜家佢冇屢行到承諾
佢的確係反口
我咁講有咩問題?
我宜家冇肯定利記有/冇講過喎！

咁我同你都唔係當事人
加句如果就比你當係免責條款
咁我都話係咪當事人一定先可以討論?
係咪一定要一齊插阿so先可以繼續傾呢?

freezefox:阿SO 連球會「PROMISE 」左佢咩都無講，含糊之極。又話寫左係合約到。
你用常理去諗下，如果有條款係合約到列明，仲要係無灰色地帶，清清楚楚既，阿SO 走左啦，駛咩係到磨呀。好明顯大家對合約上某D 條款係理解上存在好大分歧。阿SO 「認為」佢係可以走人，球會「答應」左比佢走 .. (2013-08-07 10:57) 

如果你一開始係呢個回復就....

我又唔係利迷..又唔係阿so迷
大家都係討論
點解一見到少少唔合你意就要起哂"桿"咁呢?

阿清:我憑佢話唔怕將單野交上法庭，所以我揀信佢講既野係真
每個人有唔同既意見
大家都唔係當事人.. 大家都係憑報導去判斷件事
....... (2013-08-07 10:50) 

佢話唔怕拎上法庭哎嘛。

「話」哎嘛。

咁咪睇下佢係咪真係夠膽拎上法庭囉。


老實講，我真係唔會知道當事人究竟簽左咩合約。條款如何。所以，嚴格黎講我好講判斷誰對誰錯。我講既係法律上、合約上既對錯。


但你一口就咬定利記「堂堂大球會」、「反口」違約。你加個「如果」上去都無補如事的。因為你既論述入面已經清楚顯示你係認定利記係反口個方。


呢個就係我要CHALLENGE 你既原因！因為你CHALLENGE利記違約。我當時要CHALLENGE 你既講法唔合理。


正如人地CHALLENGE 皇馬某D 行為時，你都會第一時間出黎維護自己既愛隊。好出奇咩？你唔會既咩？

大家都唔係當事人！

冇人知實情係點架喎！
除非份約/或者佢地之間既對話公開左出黎姐
如果唔係你點肯定我錯你岩或者掉轉呢！

bbq903:咁都未必, 國際例無論如何都要球會出permit , 球員先可以直接與對方球會傾合約  (2013-08-07 10:52) 

既然係咁，要求球員正式提出轉會申請，有咩問題？

點解要求球員提出申請，會變成「堂堂大球會」「反口違約」？


做番正常程序都唔岩？

你有你講 我有我唔賣

如果依家咁樣遞一遞transfer request就賣 管理層就變相自打咀巴

遲下有第二個球員相同情況變得更加難處理

一係就比夠五千五百萬 如果唔係掉佢落預備組 反正烏拉圭依家出線唔樂觀佢都唔洗理有冇得打世界盃

bbq903:八月廿一 , 我以為而家係九月 [表情] (2013-08-07 10:48) 

咁仲有價講.....仲有機會係last 2日 先搞轉會

9月頭再理啦

阿清:如果你一開始係呢個回復就.... [表情]
我又唔係利迷..又唔係阿so迷
大家都係討論
....... (2013-08-07 11:02) 

BENNY 只係要求阿SO「想走就比轉會申請! 」佢甚至無話佢反骨，又無話佢違約！更加無話唔比佢走。「想走就比轉會申請」。只係一個好合理既要求。完全係合乎正常程序既要求。

但你既回覆呢？「如果XXX………利記堂堂一間大球會………竟然反口！」

你既「如果」只係裝飾黎既者。你既主論調就係「利記堂堂大球會反口違約！」所以，我不能夠接受呢個指控。我要為利記反平！


睇睇下面句子：

「堂堂一間大球會，皇馬如果只係靠政府救濟，根本就係寄生蟲。」


上述句子，你認為我個個「如果」真係可以令成句句子變得好中肯，好容易入耳，好有理據？

bbq903:大家都 冷靜d [表情] (2013-08-07 10:53) 

係...大家冷靜d 雖然s7 咁樣話想走..係好傷利迷心

阿迷都感受過 vps單野  但事情好多外人都唔明白 我地都好難下判斷.....或者去到呢d時刻 應該尊重番球員個人意願...  

阿清:大家都唔係當事人！
冇人知實情係點架喎！
除非份約/或者佢地之間既對話公開左出黎姐
如果唔係你點肯定我錯你岩或者掉轉呢！ (2013-08-07 11:04) 

我絕對無「肯定你錯」。

因為我都唔知份約點寫。


我只係肯定你唔可以肯定利記係違約一方。