2012 立法會選舉討論區 (民建聯9張名單全勝，劉江華出局，民主黨大敗，人力、工黨及工聯會得3席） [復制鏈接]

801     何俊仁名單     50,790
HO CHUN YAN LIST
802     涂謹申名單     63,043
TO KUN SUN JAMES LIST
803     白韻X名單     12,825
PECK WAN KAM PAMELA LIST
804     劉江華名單     43,676
LAU KONG WAH LIST
805     馮檢基名單     53,590
FUNG KIN KEE FREDERICK LIST
806     李慧X名單     52,956
LEE WAI KING STARRY LIST
807     陳婉嫻名單     49,598

劉華

CKL:[圖片] (2012-09-10 09:27) 

泛民得55%

CKL:[圖片] (2012-09-10 09:27) 

人力成為第四大黨！

bbq903:倘若保到24席黎講都唔算災難.  
只係配票能力冇人咁好 , 加上公民黨今屆想博七席累泛民, 都無話可說.
....... (2012-09-10 09:26) 

兩個公民黨既議席食左泛民七萬票都有………

freezefox:兩個公民黨既議席食左泛民七萬票都有………[表情] (2012-09-10 09:52) 

但公民黨選前走勢麻麻，坐 5 望 7 相當合理。

bbq903:倘若保到24席黎講都唔算災難.  
只係配票能力冇人咁好 , 加上公民黨今屆想博七席累泛民, 都無話可說.
....... (2012-09-10 09:26) 

建制派配票能力強勁又不是今日才知道的事。一早已經知的了。

泛民要羸，本來以為大幅提升巿民既投票意欲就OK。建制派既鐵票，意思就係點都唔會少左，但同樣地，點都唔會突然暴升。係咁多就係咁多。但泛民既票，可以因為投票率增加而大幅增加。

投票率係增加左，得票率亦增加左。但結果………

新界西泛民得票二十八萬，保守派只得二十一、二萬。但結果泛民只得四席，建制派五席………



唔單係建制配票能力強大，泛民唔單止無配票，直頭係互搶，結果攬炒既情況經常出現。唔止係人力狙擊民主黨，就算公民黨同民主黨都係口和心不和。各泛民組織鬼打鬼。


今屆投票率咁高都係咁，下屆都唔知點算。

其實"配票"呢兩個字係唔係屬於negative
選前泛民都話不配票
一來佢地較建制難做到
二來其實係咪配票比較negative所以唔想做...

freezefox:建制派配票能力強勁又不是今日才知道的事。一早已經知的了。
泛民要羸，本來以意大幅提升巿民既投票意欲就OK。建制派既鐵票，意思就係點都唔會少左，但同樣地，點都唔會突然暴升。係咁多就係咁多。但泛民既票，可以因為投票率增加而大幅增加。
....... (2012-09-10 09:58) 

下屆？

阿爺一統天下∼∼

唉…但比例代表制係要咁玩去配架啦
雖然民主黨都分名單分到一鑊粥

ODIN:但公民黨選前走勢麻麻，坐 5 望 7 相當合理。 (2012-09-10 09:55) 

坐5 係好穩陣，望7 就真係有D 妄想……


余若薇個席都講得過，反正佢其實都好大可能真係想/需要退落黎。用佢既知名度賭一鋪，賭羸多一席，賭輸無蝕底，余可能乘勢退落黎，好好休養身體。未尚唔係好事。

但連陳淑莊個席都攞黎賭，就賭得太盡了。陳岩岩先輸左一次，咁短時間內，你要佢再輸多次，真係點頂呀？輸埋呢次，佢輸清光架啦喎………

公民黨要發展
佢一定要咁樣做去畀新人入立法會
去擴大黨內人既名望…

即係之前保陳淑莊其實都唔係預期自己一定贏兩席…


不過咁樣對泛民冇咩著數je (雖則其實主要都係累死白鴿黨)
但白鴿黨同時亦唔知時勢
以為自己有民望可以保得到自己咁多張選票
而唔去保住自己一席先
結果好多都只係攬住一齊死…

泛民一盤散沙，建制動員去呃D公公婆婆又做到出晒面都唔怕人拉
咁既結果其實真係唔係意外……

freezefox:兩個公民黨既議席食左泛民七萬票都有………[表情] (2012-09-10 09:52) 

但坦白講佢地分票未必有呢個效果. 最後都可能一席. 新界東係泛民分得最靚地方.

不過公民真係計錯數 , 港島區真係最晒 , 尤其見到對方 27xxx 都入到.  自己就抽住7xxxx

freezefox:坐5 係好穩陣，望7 就真係有D 妄想……
余若薇個席都講得過，反正佢其實都好大可能真係想/需要退落黎。用佢既知名度賭一鋪，賭羸多一席，賭輸無蝕底，余可能乘勢退落黎，好好休養身體。未尚唔係好事。
....... (2012-09-10 10:02) 

tanya o個一席係有d機，老實說分拆未必有7萬票∼
港島區係做到1＋1＞2
新界西就反而係1＋1＜2

CKL:其實"配票"呢兩個字係唔係屬於negative
選前泛民都話不配票
一來佢地較建制難做到
二來其實係咪配票比較negative所以唔想做... (2012-09-10 09:59) 

佢地係近乎無可能配。


建制派可以配係因為D 票都係「聽話票」，無自己立場的。你叫佢投1號佢就投1號。你叫佢投2號佢就投2 號。

泛民D 票，好多都好有主見的。我唔鐘意呢個，我唔欣賞個個，唔係你想佢配邊到就配邊到，只能呼籲。呼籲之後既結果好難預料，可能唔夠力度，呼籲左都無人理（好似李永達個CASE），有時可能力度過強，你要1票佢比夠10票你………


其次，建制有個阿爺做最後話事人。你估建制之間無內哄無搶票既情況咩？一樣有。不過人地有個阿爺可以係最後關頭一槌定音。話比邊個就邊個。你無得SAY NO。但泛民只能協商，可能協商極都唔會有個最後定論………



泛民唔可以靠配票黎打低對手，只能靠大幅提升投票率，令全員得票都遠超對手，先有得反勝。今時今日，何其困難。