葉鴻輝，不久前還被稱為「陳肇麒男友人」，如今已經是香港最有名氣的足球員之一。在場內，今年他代表港隊出戰世盃外多次交出神勇表現；在場外，他開始受到注目，傳媒紛紛追訪，他敢言的性格亦造就了幾個經典金句。今日，《蘋果》有幸邀得他親自解釋這幾句令人難忘的說話。
．9月4日《壹》周刊報道：「香港愈畀人睇死就愈要有表現，就算今次我贏唔到，我都要阻住你出線。」
阿輝解釋：「其實講呢番話係對我哋成隊波都有信心先講，港足已唔似之前踢波既心態，每場波都希望贏，係信心既表現。」
．9月5日回應梁孔德「久狗論」：「我普通話冇去到咁差囉應該。」
阿輝解釋：我小學開始就學普通話，我既普通話真係唔係好差，尤其咁簡單呢兩個字『狗』『久』唔會聽錯既。睇返呢件事，唔太特別，我嗰次（寫在instagram）都係舒發情緒。」
．9月11日《壹錘定音》訪問，被李慧玲問到梁振英的「體育沒經濟效益論」：「運動可以團結到香港人，呢樣嘢先係最緊要。」
阿輝解釋：「
有啲事情唔是只向錢睇，有啲人覺得錢最重要，但經過呢幾場世盃外，香港人會覺得咩係最重要？唔係錢就大晒，佢（指特首）連自己球隊或自己地方都唔講支不支持。」 ．11月17日港中戰賽後，被問到疑似中國入球被誤判：「（球證）係比賽一部份，你唔可以成日都因為結果而賴落球證，或者喺幸運到。」
阿輝解釋：「我的確覺得若能力同實力強過對手好多既話，我諗唔需要單因為球證誤判而令你輸波，我哋香港隊曾對泰國，臨尾輸12碼，我哋球員角度覺得唔係12碼，但冇計，要接受。」
[ 此帖被羅力亞在2015-11-18 23:31重新編輯 ]
