HOCC:見到大家反應各異，多謝大部分人的諒解，但亦聽聞其他討論區好多人怪責阿臣，很費解。
既然大家甘大條道理，不如你地教下我有咩方法能夠保證身體永遠唔會有任何狀況啊？有時作為觀眾指指點點係好容易，當然作為歌手或公眾人物亦唔能夠奢望一定能夠得到大家諒解，阿臣呢次係細菌感染唔係因為自己特登去玩唔小心整壞把聲，就算佢病都係因為要應付呢個騷先會甘，試問有邊個人係會想自己病架呢，我唔太明白大家點解甘樣都可以怪責佢無好好照顧自己身體呢？
如果真係要怪，就應該怪人體構造係脆弱的，只怪我地唔係鐵人，唔係機器人，我地身體係會病會出問題。而且連續開十幾二十場，全世界有邊個地方會係甘樣架呢？人體構造根本就唔係fit for this，之所以香港歌手於紅館開騷，有九成都係病住甘開，你地睇下連張學友小鳳姐，呢d殿堂級歌手都會因為健康問題曾經要取消演出，甚至外國MJ, madonna,rod stewart都試過甘，甘唔同佢地又係因為唔專業咩？就算好似佢地甘，決定取消演出，亦會有人投訴，甘應該點做先為之最專業呢？...... 詳全文
係，大家買左飛，比左錢，係“有權”complain，失望，唔高興。但我相信最失望最唔開心o個個一定係陳奕迅自己。說到底佢都已經盡力去響呢個狀態底下去做好個騷，又打晒針又剰。大家知唔知打一枝類固醇對人體有幾傷？骨質疏鬆之餘亦有可能引致高血壓糖尿病等等，重要一日打一枝，諗起都驚。如果佢偷工減料 mime嘴就話jeh.
呢 D都係我"公平地去說一句"，我預左有人會唔認同，可能有人會鬧我覺得關妳個hocc咩事添。不過，就等於網民有言論自由，歌手都有言論自由架。
