bbq903:睇黎曼聯同錢有仇 [表情] , 咁玩法對各方面冇利 , so sad [表情]
(2015-09-01 09:30) 
以受害程度睇。迪基亞當然最慘。既過唔到皇馬，留係到又齋坐，兩面不是人。上年明明都仲係曼聯既神枱到受人膜拜。今年即刻變成地底泥。仲要今年係歐國年。分分鐘影響埋國家隊既前途。出年係咩世界無人知。到時皇馬係咪一定買佢又無人可以擔保。一個打工仔，最淒涼莫過於呢種前途一片不明朗既情況。
曼聯都唔好過。睇怕雲膠爾只會視佢為眼中針。唔肯用佢。咁即係，個個月仲要出糧比一個完全無建樹既人。然後幾個月後，斗零都執唔番就要比佢走人。萬一佢係皇馬打到風山水起，到時更加要搵刀仔吉大脾。
至於皇馬，其實最無所謂就係佢地。我又唔覺得迪基亞加盟會大大增強佢地既實力。感覺上似係為買人而買人多D 。基迪亞唔黎，佢地手上都仲有足夠既人手調動。大可以等多幾個月，再視乎當時既心情決定仲要唔要基迪亞。分分鐘到時個注意力又唔知去左邊粒星到，都唔記得基迪亞了。
成件事，唯一受益人………睇怕都係拿華斯。尋日萬般不願咁被人賣豬仔。今日，又可以爭取到最少一季時間去證明自己。只要表現好，就算下季基迪亞來投，都要同佢爭正選。又或者到時已經有唔少豪門球會爭住簽佢了。點都好過比人當嫁妝咁送過黎英格蘭呀。
