疑？你用我做壇主做例子似乎係引喻失義喎。
第一，壇主唔係選舉制度下既產物。但特首卻係應該由選舉而產生既產物。
第二，我當初開TOPIC 問大家，係想知道大家仲關唔關心個壇，從而決定自己應唔應該承擔呢個任命。同宜家特首候選人係公開論壇討論政網，風馬牛不相及。完全係兩回事。點解可以混為一談咁奇怪既。
第三，若然今日有人問我，當初我有冇比錢MULY叫佢比個壇主我做。 利用金錢黎換取壇主既職銜。而我問非所答，連簡簡單單一句：「無！絕對無！」都唔敢講，反而係到帶大家遊花園。「MULY 搵我做壇主，係因為我有九年既駐壇經驗，我有一隊好強大既團隊，我有能力，我有實績，我有九年時間既經驗………」。「我宜家係問你有冇比過錢MULY 喎！」「我可以答大家，我有九年駐壇經驗，我有團隊，我有呢樣個樣………」
即係咁你都接受到既，我只能夠話，大家既要求好唔同囉。
