《美女廚房》班美女嘉賓次次雞手鴨腳，捉魚蝦蟹慘過打老虎，係咪作狀？大家自行判斷，不過今次班女星遇到對手，台灣美少男團體棒棒堂為《美女廚房》擔任評判，大賣調皮可愛，加上棒迷坐爆全場，依 "o華"鬼叫之聲更加刺激起六子既表演慾，每個反應都極盡誇張，三美女唔止搶唔到鏡，更慘被人「踩」住上攪氣氛。
廚藝向來有保證的周汶錡，率先遭六子取笑，敖犬更俾佢負 5 分，仲不留情話：「吃完後，見到地獄門呢！」當試食周麗淇菜式後，六子又將大大個垃圾桶搬上桌面上輪住嘔吐，事後Niki對於棒棒堂的誇張式嘔吐大表奇怪：「有無咁誇」
誇張?未算。煮得有紋有路的Emme獻上作品後，小煜嘗過一口後竟然跳起越過評判台，九秒九飛奔出錄影廠，全體呆在當場，唔知小煜是肚痛定鬼上身，一走之後更從此消失，再無出現於錄影廠！事後隊員解釋小煜因趕返台灣考試，才攪出這一幕。
