我的評
雖然睇之前，我已經盡量忘記影評的內容，客觀咁去睇呢套戲~
而事實上，套戲頭三分之二都仲可以營造到氣氛，音效同攝影師應寄一功~
不過，當「真相」出現，我覺得條橋有 d 低智，甚至反智~
所以有人話係 cult 片手法，但我不認同~
cult的意義
http://zh.wikipedia.org/wiki/Cult正如之前sun姐講，頭三分之二拍得唔錯，只係有 d 賣弄血腥~
影評指點解郭富城比人查緊都可以做警察自己查自己~
呢方面，我又覺得問題唔係想像中咁大~
主要都係當時冇實質的證據去證明郭富城有事，另一方面又可以一面睇佢查案一面查返佢~
反而最大的問題係拍攝技巧低，同埋對於警察心理問題的描寫有問題~
拍攝技巧低係指入面以大量對白交代劇情~
我唔講真相揭盅果一幕，一開始錢嘉樂個幾句質疑郭富城的對白已經有問題~
心理描寫能否用影像交代，一直都係拍戲的人最重視的o野~
所以冇咩人拍得好村上春樹的作品~~
如果不斷用對白黎交戲，咁仲要剪接黎做咩？
警察心理問題的描寫方面，郭富城用一個好歇斯底理的表情去演~
有人認同郭富城演落角色有層次，但我覺得竭斯底理並不是必然~~
香港影壇自徐步高案開始多左有人寫警察心理問題~
但好似神探咁，我唔見林家楝係竭斯底理 wor~
而且，郭富城係警隊高層，係咪應該有 d 竭斯底理以外的表現？
其實睇完套片，我覺得郭富城唔應該接呢套戲~
因為劇情不合理，仲要夾硬去做落去，已經欠說服力~~
當然，呢套戲備受抨擊的原因係要言之成理的機會好微~
需要大量不合理的巧合去同時發生先得~
而知道真相之後又拖一段亦係敗筆，仲拖到有人繼續受害~~~~
仲有，如果細心睇，會有好多個破綻出現，例如...(白左)
點解 d 線索o係郭富城昏迷醒返之後先發現？而唔係一開始死左兩個人已經查到？
點解錢嘉樂個 team 人查極都冇料到，郭富城昏迷醒返之後就靈感不斷？
點解殺人的人咁好身手咁又智慧去殘殺一個人？佢又點去半島大廈現場殺人？
大廈明明有好多住客，係殺人先咁o岩冇人???
點解殺人的理由咁求其？點解張兆輝講數要去到咁遠咁偏僻？
點解屋企可以有血手印？點解size 又o岩o岩好? 點解碼頭出面會有浮台？
仲有! 點解要變聲!!!!!?????
因為一條爛橋，令我注意多左細節...真失敗~~睇返 d 網上資料，導演原來有份寫個劇本同 sell 套戲比老闆科水~
又說服到郭富城做主角，又教到小朋友做戲，足見佢係口才真係唔錯~
不過佢應該累積下人生閱歷，有左bb的人同朋友講野拍到好似怪怪地咁~
我唔信有第二集lu...除非換人再拍，同埋一開始講明係玩cult片~
ps.我覺得呢套應該係三級片先o岩~
同埋，我覺得 d 影評其實曲線引人去睇...
[ 本文被liuming在2009-07-13 11:55重新編輯 ]
