1.法甲Montpellier呢隊波令我感到好驚喜,相信季前冇咩人覺得佢可以上到而家既第4名...呢隊波今季先升上甲組,到而家為止主場11勝4和2負排第3係拎第4既原因...但係同時攻力都不足,而家34場入44球...球隊攻擊力唔係好強,但係好在穩定,穩紮穩打係佢地特色,同時主場防守好,係聯賽主場最佳佳既球隊,17場只失10球..
隊波今季既前線主力係Victor Hugo Montano..佢 2至04年仲效力哥倫比亞球隊Millonarios...04年加盟法國「月」組球隊Istres...雖然04-05年球季33場只射入2球..但係蒙彼利埃獨具慧眼..收購左佢...到而家法甲射入9球...
第2前線主力係Souleymane Camara,佢今季由尼斯借用,佢到目前為止射入左7球,佢曾經效力法甲球隊摩納哥,尼斯同奈斯...效力摩納哥同奈斯斯間表現都平平,但係蒙彼利埃睇中佢...到而家7球,成為球隊第2射手..
球隊之後第3射手係Karim Ait Fana本季雖然上陣34場只入4球,但係34場聯賽全部有份落場,佢係法國U21成員之一,06年出道,前途好...
接著係中場主力Romain Pitau,佢係球隊現時隊長,佢曾經效力朗斯,尼斯,索察,為球隊為黎經驗...今季從索察加盟,表現幾好..成為球隊現時中場主力
後防主力,Emir Spahic,佢係01年都係效力克羅地亞國內球隊NK Zagreb,直至04年開始轉到俄羅斯聯賽搵食,6年間效過Shinnik Yaroslavl,Torpedo Moscow,Lokomotiv Moscow..今季加盟蒙彼利埃後成為球隊主力,本季暫時上陣31場,入2球..
2.荷甲Twente呢隊波今季季前有幾位主力,離開,包括Eljero Elia,Marko Arnautovic,Edson Braafheid..但係呢隊波到而家居然排係榜首,以83分多Ajax一分力壓佢排係榜首,呢隊波冇記錯好似去到大約季中左右先輸第一場,球隊進攻33場入61波,全荷甲現時排第4,防守方面33場失23球,防守都好..隊波表現勝左平均,係作客失波最小球隊,同時小一場大勝,多數比數都係1比0,2比0,2比1等等平凡既賽果
呢隊前鋒主力一定係今季Bryan Ruiz,佢今季季前以550萬鎊由真特加盟,加盟前都冇咩人識佢,但係佢到而家入左24球,只係比蘇亞雷斯既33球小...呢名前鋒身高腳長,頂波得,射波又得,佢3年出道,效力哥斯達黎加國內球隊Alajuelense,到06年加盟比利時球隊真特,到而家係荷甲表現光芒四射,相信佢未來都會外出搵食,可能加盟大球會..佢同時今季最令人難忘既對Sparta Rotterdam...係5分鐘內入3球..
而家介紹既係Blaise N'Kufo,佢係球隊老臣子,係03年開始已經效力川迪,之前期間效力過科威特聯賽,德甲同瑞士甲組聯賽..佢步大力雄,到而家入到13球,係球隊第2射手,以佢34歲年齡黎講,表現算好..佢2年開始入選瑞士國家隊,上陣29場入7球..同時佢都係球隊隊長..今季季後將會到美國搵食..所以好多人都希望佢可以拎今季荷甲既冠軍...為效力川迪寫上完美句號
之後介紹既又係前線球員,佢係Miroslav Stoch,佢踢得進攻中場,又踢得翼,佢15歲果陣,踢U17大演帽子戲法,佢係05年出道效力斯洛伐克球隊Nitra,效力一季後加盟車路士,可惜上陣機會小,效力3年間只上陣4場,今季季前外借到川迪,表現搶鏡,到而家上陣33場射入10球,表現好..早前更加有傳阿積士同PSV想買佢..
接著既係球隊進攻球員Kenneth Perez...佢曾經效力幾支荷蘭班霸,好似AZ,AJAX,PSV..佢可以踢得進攻中場,同時又可以踢前鋒,為隊友鋪橋棚路,佢為球隊前線年經既球員帶來經驗,雖然入球數字只係得6球,但係係球隊作用無可置疑..
到後防主力,中堅方面今季主要係Douglas,呢名中堅身材高大,佢係06年出道,佢7年加盟川迪,表現ok..佢高大既身型令佢有時上去頂波製造入球...
另外，同時不得不提既係今季Ajax好勁...33場入102球,失19球,球差達到83球,主場更加屈機,17場入64球,失4球..神射手蘇亞雷斯入33場入33球既數據...可惜....暫時都係川迪爭奪冠軍比較佔優[ 本文被RMadrid在2010-04-26 20:52重新編輯 ]
