[其他杯賽]盡情恥笑吧, 曼聯0-4大敗比甲組球隊米爾頓凱恩斯, 聯賽杯第二輪出局 [復制鏈接]

Chelsea:椰絲回巢啦[表情]
雲高爾原來都係record breaker [表情]  (2014-08-27 07:21) 

主要係费爷太神

個標題…………充滿怨念…………

感覺曼聯沒有踢4424之後就無以為繼

leoleo_leoleo:主要係费爷太神  (2014-08-27 09:42) 

我咁講或者好多人會好反感………


係，費SIR 好神！宜家呢隊曼聯係佢手上，當年都仲可以奪冠。

但，另一方面，呢隊爛攤子正正係費SIR 留比曼聯的。佢臨走之前個幾年，已經完全無考慮球隊長遠既發展。只係為左破紀錄，退休時可以完美地退落黎，買賣人同用人政策全部變得好短視，要即食。再無長遠既投資。總之，一定要係佢退休之前完成壯舉，之後曼聯會變成點已經唔再放係心上了。


費SIR 留下既係邊個都無本事執到既一隊曼聯。除非大換血。但大換血要錢，更加需要時間。宜家既領隊可以有錢比佢買人，但未必有時間…………

freezefox:我咁講或者好多人會好反感………
係，費SIR 好神！宜家呢隊曼聯係佢手上，當年都仲可以奪冠。
....... (2014-08-27 10:07) 

同意 加上留唔住Vidic真係後患無窮 無佢鎮住個後防 真係差好遠

而家成條後防最老果個得Evans 26歲 仲要尋晚對住英甲都食哂屎

丹尼屎:同意 加上留唔住Vidic真係後患無窮 無佢鎮住個後防 真係差好遠
而家成條後防最老果個得Evans 26歲 仲要尋晚對住英甲都食哂屎 (2014-08-27 10:16) 

Evans無大佬係度其實都係炸彈

KeL:Evans無大佬係度其實都係炸彈[表情]
 (2014-08-27 10:20) 

而家成條後防我最信得過得Jones

丹尼屎:而家成條後防我最信得過得Jones[表情] (2014-08-27 10:24) 

同意
中堅正選首選應該係JONES+ROJO

丹尼屎:同意 加上留唔住Vidic真係後患無窮 無佢鎮住個後防 真係差好遠
而家成條後防最老果個得Evans 26歲 仲要尋晚對住英甲都食哂屎 (2014-08-27 10:16) 

最慘係shaw 又傷埋。佢係成個352 其中一個重要既關鍵………


宜家雲高爾可能好後悔咁早放艾夫拿走………

freezefox:最慘係shaw 又傷埋。佢係成個352 其中一個重要既關鍵………
宜家雲高爾可能好後悔咁早放艾夫拿走……… (2014-08-27 10:34) 

根本就唔明點解一下子放走2個左閘 點都要留番個做後備啦

freezefox:我咁講或者好多人會好反感………
係，費SIR 好神！宜家呢隊曼聯係佢手上，當年都仲可以奪冠。
....... (2014-08-27 10:07)

雖然費SIR最尾一兩年都係買即食人, 但都有買過D後生既接棒,例如鐘斯同, 史摩寧 ,又有聰明仔, 迪基亞等等, 問題係曼聯不嬲打開兩翼, 依家果兩翼廢到...........
楊格, 費SIR第一日買佢都覺得怪, 佢邊配踢曼聯, 華西又係, 大佬佢之前係踢邊隊AR, 係降左班既韋根AR (2009− 曼聯 130 (13) )踢左5年先入得13球....

踢開兩翼既曼聯廢左兩翼, 莫椰斯明白依點, 所以想玩體力化頂住個弱點先, 點知一季就比班大帝GG.
中場問題 , 冇防中, 又冇個有創造力, 費查病完之後冇哂料到........防中問題同樣嚴重在費SIR最尾一兩年已經出現, 之前都有用到鐘斯打防中可見防中問題嚴重, 但又唔買人補強.
中場有香川又唔用,馬達係好波, 但風格唔似真正中場中同攻中, 加上朗尼成日墜後搶波踢, 變相前面冇人,冇個中鋒, 只好下下斬, 變左斬料聯....

新教練要變一定要針對果幾點.........但一日唔清走楊格佢地, 一日都冇運行

utadahikaru20:雖然費SIR最尾一兩年都係買即食人, 但都有買過D後生既接棒,例如鐘斯同, 史摩寧 ,又有聰明仔, 迪基亞等等, 問題係曼聯不嬲打開兩翼, 依家果兩翼廢到...........
楊格, 費SIR第一日買佢都覺得怪, 佢邊配踢曼聯, 華西又係, 大佬佢之前係踢邊隊AR, 係降左班既韋根AR (2009− 曼 .. (2014-08-27 10:45) 

隊隊波都會買新人既。有買唔出奇。曼聯亦有自家青訓既產品。年年都會做的。但重點係，佢點去培訓呢D年青球員先係關鍵。有冇比足夠既出路、機會佢地。

utadahikaru20:雖然費SIR最尾一兩年都係買即食人, 但都有買過D後生既接棒,例如鐘斯同, 史摩寧 ,又有聰明仔, 迪基亞等等, 問題係曼聯不嬲打開兩翼, 依家果兩翼廢到...........
楊格, 費SIR第一日買佢都覺得怪, 佢邊配踢曼聯, 華西又係, 大佬佢之前係踢邊隊AR, 係降左班既韋根AR (2009− 曼 .. (2014-08-27 10:45) 

但係最好笑係 我個人覺得而家最對板既反而係Young同Valencia

freezefox:隊隊波都會買新人既。有買唔出奇。曼聯亦有自家青訓既產品。年年都會做的。但重點係，佢點去培訓呢D年青球員先係關鍵。有冇比足夠既出路、機會佢地。 (2014-08-27 10:49) 

唔好講佢啦, 皇馬更加冇有邊一個自訓球員有得立足(華利拿係自家青訓既話就得佢一個了)

認真, 其實唔只得一隊, 好多頂級球會依家都好少培訓自家青訓球員 , 就算係用年青球員, 都係買人地踢得起果D, 例如近既阿仙奴, 都係買人地既張伯斯即食, 自己果個贊臣都走了.曼城有冇用青訓人? 有就利記唔會有史獨,車仔有冇用自己青訓?佢買既唔係邊一個係即食(泰利已經係上一代既事),曼城同車仔人腳可以強到出兩隊, 大家都係大球會,你睇下依家英格蘭國家隊有邊個係黎自佢兩隊.

今下社會,教得大球會既, 有幾多班主會比時間同機會你培訓自家青訓球員AR,個個都買即食.

所以相比起之下, 阿仙奴同依家既利記都叫肯比多D機會自家青年球員, 相比起費SIR唔用自家, 但都肯比年青球員有上陣機會,已經好好了(仲有佢買既都係英國球員依點好重要).

所以我覺得唔可以話佢冇諗過之後既事, 只不過係唔去解決現在既事!

之後既, 應該係接手既付負責 , 莫椰斯係冇時間比佢同埋班大帝玩野姐, 所以依家邊個接手曼聯都要比時間佢, 曼聯有既係錢, 只係有冇人肯比時間佢, 同埋搵到個好既教練.