其實我細細個已經好留意足球，
我都唔知點解，你問我點解鐘意，我真係搵唔到一個理由，
不過我平時間唔中都去踢下波，當係過下癮。
我踢波真係唔係叻，唔識學D人喲十幾廿下波都唔甩，跑得慢，
不過我就係鍾意玩。
大咗依家有班波友，有D踢到好叻，有D就水水地，
不過我覺得唔緊要，反正我都係抱住玩既心態，JUST ENJOY IT 。
我相信大家都唔會介意。
我有一斷時間好怕去踢波，因為我覺得呢D野講TEAMWORK，
唔係怕人地話自己屎，而係我自己好怕因為我自己屎，搞到輸波，我自己覺得唔好意思。
不過一直班班友都叫我去踢波，走咗果掛都成日問我做咩唔去，
我一直都冇答。
不過條癮係到，當然係戒唔到，直到最近，終於又再踢返波。
但係前幾日走去踢波，踢完真係有少少唔開心。
件事唔係發生係自己身上，不過我睇到真係有種形容唔到既心情。
隊友想自己扭波過人，結果衰咗，我見到另一個隊友即刻比咗個「搞咩呀」既不耐煩表情，
又有人成日企前面唔防守，
我唔係要求你下下都要走返黎，不過你企前面等波到，咁算點先？
你走碼都係前面郩下，拍下人呀，
D人蝦錄搞到輸波個樣又好唔鋸，
我覺得大家都係一TEAM，輸波冇人想，呢D表情比隊友見到，心入面真係好不是味兒。
有個重離譜，比波慢D、交失波就罵人，「妖」人，
可能佢地本身FD底，熟，唔MIND，
不過我相信點熟，骨子裡都係會有感受。
我成日覺得一TEAM，就要有一TEAM既精神，
有咩MISTAKE大家互相鼓勵，
唔係好波既怨唔好波既，
有錯唔係鼓勵係鬧既，
我自己都覺得玩到好冇癮。
