[日本]托仔九州遊 [復制鏈接]

終於到左一年一度既旅行 , 今次係第三次來日本 , 擇左去北九州 ,

Day1
11:10 出發 , 今次選坐港龍 , 不過前一日網上 check in 搞左好耐都唔得 , 最後打左去CS hotline 叫佢hold 位,
DragonAir 提供既戲都幾update 下, 例如"我要做差佬" 已經有得睇了... 不過歌曲方面反而比之前坐 HK Airline 少得多

飛機餐都不錯 , 仲有HaagenDags 做甜品





大約2.5小時機程 , 到達福崗機場 , 搞掂晒就坐shuttle 出地鐵站 , 出發去博多


短短兩個站 , 承惠260Yen



去酒店放低行李先 , 頭兩晚間酒店係對到正博多站 , 非常方便!


第一站就去朝聖 , 其實當時都未到六點, 但好快入黑
我覺得味道同香港分店其實無咩分別 , 但價錢平少少




食飽之後就去福岡塔 , 由地鐵出口行 20 分鐘左右就到 , 因為好易見到個塔 , 所以唔驚迷路




電梯內有職員以普通話講解 , 其中以下呢個係好出名既結婚場地


上到去都係望下周圍景色

最出名既愛情鎖 , 可以買一把然後寫上字句再扣住啊!


之後返去博多再搵野食 , 最後擇左呢間串燒店



入到去個餐牌係全日文 , 打算用手指黎點出面野食既時候 , 面前個職員突然用普通話問我地野 , 原來佢係中國人 , 由河南黎讀書 ,
用自家既普通話同佢傾計同點野食 , 好彩都溝通到....

點完影下個環境 , 都幾唔錯 , 圖中光頭果個應該係老板 , 店內貼滿晒佢同食客既相 (不過我完全唔識)


佢仲同D客飲酒傾計


野食都OK 既


食完就返去休息 , 當時都11點 , 不過順路就去埋買 5天北九州既 JR Pass , 順便預約埋指定席.... 不過就無預約到特式火車

Day 2
博多 > 長崎 > 博多

最初計劃行程時 , 本來想呢日係睇波或者相撲 , 但因為時間夾唔到關係告吹左 , 於是plan 左一早就出發去長崎玩日

出發前去買早餐先 , 不過冇擇到便當 , 而買左鯖壽司同飯團 , 呢兩樣野加埋都成千Yen ......


拆開左既樣 , 食落有d 酸酸地


預約左 9:15分 既指定席, 咁就一定有位坐了 , 車程要兩個鐘



途中經過烏棲站 , 原來站旁就係J1 球隊烏棲砂岩既主場 , 球場外觀比較簡陋 , 好機會真係好想入去睇波 , 不過只能係車望多兩眼


途中風景好美 , 滿是花草樹木 , 下面果張只係好普通料....


終於到左長崎市 , 我不禁哼起Eason 首隨意門其中一句歌詞~~



出站第一時間就係買市內電車Pass , 500 Yen 就可以任坐一日市內電車

站內有長崎隊既宣傳海報

排隊上車了


話咁快就到左原爆落下中心地公園 , 據說當年其中一個原子彈就係呢個位置500米高爆
聽左咁多年廣島,長崎, 今日終於有機會親身一看...


之後去左紀念館, 但冇入去到就行左過平和公園


參觀完之後去左令一個名勝 , 眼鏡橋
河中有種魚識得跳出水 , 都幾嚇人下....


附近有雪糕賣 , 賣相成朵花咁 , 食落都唔錯



跟住去左長崎港 , 涼涼地又有太陽 , 正!

係餐廳食左個lunch





之後係附近行陣就出發上住巴士去纜車站


連埋落車後行段路仔, 大約20分鐘就到左去稻佐山既纜車站

買飛~ 仲順便買左兩個磁石紀念品


好喇, 上纜車了,因為當時只係四點幾 , 所以得好少人上


稻佐山係2012被選為世界新三大夜景之一 , 另外兩個一個係維港 , 一個係Monaco
所以我決定早d上去, 可以睇埋日頭同黃昏既風景



大概六點半左右 , 天色已經極速黑晒 , 不過我用普通相機, 同埋現場睇仲靚


睇完就坐返兩個鐘JR 返博多
經過地下街

去到屋台, 呢度晚上有唔少街邊檔


我地去左呢間 .... (因為旅遊書介紹...)

[img]http://i404.photobucket.com/albums/pp129/fai_624/Day%202/IMG_0595.jpg[/img]
[img]http://i404.photobucket.com/albums/pp129/fai_624/Day%202/IMG_0606.jpg[/img]

一坐低老板就倒左兩杯酒俾我地 , 再指一指對面個男人 , 意思應該係佢請晒全部人飲 , 跟住全部人乾杯..... 總之有你冇你飲左先.....
之後叫野食 , 由於又係日文餐牌既關係 , 我拎左個電話出黎, 打開個APP , show 叉燒拉面佢睇
[img]http://i404.photobucket.com/albums/pp129/fai_624/Day%202/IMG_0603.jpg[/img]
之後再叫左兩樣野就夠晒 (其實都唔知咩黎....)
[img]http://i404.photobucket.com/albums/pp129/fai_624/Day%202/IMG_0608.jpg[/img]
[img]http://i404.photobucket.com/albums/pp129/fai_624/Day%202/IMG_0607.jpg[/img]

~ 第2天完 ~

Day 3
博多 > 由布院 > 別府

晨早7點幾就出發 , 指定席已經full booking , 所以坐自由席 , 好彩有位坐 , 遲上車的話就要企了..
照舊買野上車食


大概兩小時多d 左右 , 就來到由布院



一落車影兩張相就去搵locker 放低行李先


之後去左幾出名下既 B-speak 買蛋糕 , 去到已經唔少人排喇, 細 Size 好快就賣晒 , 迫住買大 Size ,



等左大約20分鐘 , 就買到了


之後沿旁邊小路進發 , 沿途唔少商店 , 都裝修得好有特色







行行下又到左另一個勝地 , 金鱗湖 , 環境好清幽




之後繼續行下食下野



近車站果邊有間cafe 仔 , 我地叫左一杯Mocca , 坐下等下班JR , 順便試埋件cake , 真係幾好食


(溫馨提示 : 我地行左工個幾鐘後再經 B-speak , 入去叫佢幫我地切開件cake , 發覺仲有唔少貨賣 , 同埋佢有冷藏Service , 早知唔使拎住周圍走)


原本打算stay 由布兩個鐘 , 但行行下發覺唔夠 , 環境好舒服同靚 , 於是留左成4個鐘 , 先落別府

大約一小時車程 , 見到個海就知差唔多到了


落左車拿拿聲轉巴士去"別府地獄" , 因為我地到埗都差唔多4點 , 而佢opening hour 只係去到5點


全個"別府地獄"有8個 , 但因時間關係, 我地只係去左其中兩個





仲試埋個溫泉蛋


睇完, 等埋巴士成6點先返到JR站

7點左右先到酒店 , 安排左間尾房 , 本黎都抱住一個平常心 , 但之後發生左少少事 , 產生左d不安 , 不過最後都冇野 , 詳細唔多講了...

別府塔正正係酒店旁 , 當然唔可以錯過 , 去到樓下 , 只有一個電梯 , 好有舊式商場feel , 上到去仲大鑊..... 去到間餐廳 , 個reception 睇住個電視笑到騎騎聲,完全冇理過我地.......
咁好啦,上多層個塔睇下, 一出電梯 , 見到個阿嬸 , 俾左 400 Yen 佢就轉右參觀 , 無開燈 , 面前只有兩張餐桌 , 有一份餐牌放左係其中一張上面 , 問題係其他野已經乜都收晒.......
呢個moment , 我彷如變身絕種生還者2既主角.........
拿拿聲影影相就閃 , 都叫做到此一遊......


落返地面, 打算行下街搵野食 , 但只係7點幾鐘 , 已經黑晒 , 四野無人....... 公園都冇燈........
只係有呢一,兩間似樣d野既



最後決定行返去JR附近條街 , 途中經過Starbucks , 買左4隻日本限定既聖誕杯
之後去左呢間類似和民既hea 野度食飽就算
[img]http://i404.photobucket.com/albums/pp129/fai_624/Day%203/IMG_1015.jpg[/img]

食完出黎, 見到有燒丸子諗坐買 , 點知個老板對我地打交叉 , 以為佢話收檔 , 點知行返轉頭見到佢仲賣緊 , 不過唔知佢講乜就算啦 (可能佢唔鐘意中國人)

食完返酒店 , 落樓下大沿場浸一陣就訓了
[img]http://i404.photobucket.com/albums/pp129/fai_624/Day%203/IMG_1032.jpg[/img]

~ 第3天完 ~

Day 4
別府 > 阿蘇

晨早又要起身 , 坐JR 落阿蘇 , 車程都要成兩個鐘...


臨落車前 , 仲有紀念乘車證送



到了阿蘇站

等待巴士上阿蘇山西站, 再轉乘纜車上阿蘇火山口

離遠已經好清楚望見火山口 (相片質素唔夠好 , 現場睇好清楚)


買飛上車
http://s404.photobucket.com/user/fai_624/media/Day%204/IMG_1116.jpg.html?sort=3&o=20

沿途風景好靚




可惜 , 上到去先知原來火山口太大煙 , 有爆發既危機而關閉, 唔俾參觀......... (後來先知原來係JR站既information 係有通知closed 左既)


咁都冇法子啦 , 唯有睇佢果個 ASO Super Ring show , 短短10分鐘要 500Yen 一個人 , 睇完既意見係幾昆水下........ 不過一場黎到就算啦....
之後落去食左個"火山雪糕", 就坐返巴士落草千里

臨落去都影返兩張相.....可惜.......


落到草千里,其實無咩特別,只係有個火山博物館,兩,三間餐廳同賣紀念品地方 , 所有野都比較舊





另一邊係草原

巴士站旁有幾隻馬,明顯係用黎賺錢

1500Yen 坐得果五分鐘都冇 , 都幾貴, 不過一場黎到又冇得上火山,唯有試下, 亦都係我人生第一次坐馬背


之後周圍行左陣 , 就落返阿蘇站 , 係站旁餐廳食午飯

食完坐橫斷巴士去黑川....



大約一小時車程, 到左黑川溫泉

有職員黎巴士站接我地

呢間就係我地住既溫泉酒店...


個大堂好有特色

房間都好靚呀

http://s404.photobucket.com/user/fai_624/media/Day%204/IMG_1321.jpg.html?sort=3&o=7
屋外風景

右邊果間就係啦, 係咪好靚呢!


晚飯前去試下個男湯先


跟住就去左食飯
食完飯返上房,原來已經幫我地準備好床舖....
[img]http://i404.photobucket.com/albums/pp129/fai_624/Day%204/IMG_1408.jpg[/img]

再夜d 行五分鐘左右 , 去埋呢個室內既露天溫泉.....
[img]http://i404.photobucket.com/albums/pp129/fai_624/Day%204/IMG_1411.jpg[/img]
[img]http://i404.photobucket.com/albums/pp129/fai_624/Day%204/IMG_1410.jpg[/img]

第一次試露天溫泉 , 感覺都幾新鮮.... 浸完之後個身好溫暖 , 而且好好訓, 一覺到天光........

~ 第4天完 ~

Day 5
黑川溫泉 > 熊本

天未光就起左身了 , 去浸多次露天溫泉就返去食早餐 .......  
(值得一提 serve 我地既係個台灣女仔 , 由尋晚果餐開始同佢傾計 , 佢係幾個月前係台灣讀完大學就去左呢度工作 , 體現生活 , 佢日文,普通話同英文都唔錯  )
食完把握時間去附近行下






就住就要閃人喇 , 因為要趕坐橫斷巴士落最後一站熊本
都係有車車返出去既


原本打算直接坐橫斷落熊本 , 時間大約3小時 , 但去到中途站 - 阿蘇站 既時候 , 落車睇一睇原來轉JR 仲快左到 , 加上有 PASS , 仲可以慳返1000Yen 車費 , 所以決定轉JR
不過就唔係特急

上車食埋兩包"九州限定薯片"


真係唔好唔信邪 , 係阿蘇站等車果陣我講左句呢幾日都好好天 , 點知一上車無耐就落雨.......
好彩到左熊本後停左雨 , 仲出太陽...
第一件事都係買電車PASS , 又係500Yen 任坐一天

落左車行三分鐘就到酒店 , 放低行李後就出發去日本三大名城之一 - 熊本城 (其實行過去仲快過行返出去坐電車,於是我地選擇步行 , 十分鐘唔使就到)

行左百幾級


終於到了

公園仲有表演.....

上到去都係例牌望下景影兩張相.......... 其實佢入面有介紹其他幾十個城 , 個個都係差唔多樣.......

參觀完就坐呢架接駁巴士去附近既城彩苑參觀..... (因為買參觀熊本城果張飛時加100Yen就可以參觀埋)


入到去先知冇咩睇.......我地留左約15分鐘就閃人
係二樓睇到呢幕 "對住一個觀眾做戲" 簡直經典..........

反而出去行下呢條手信街仲好

仲係呢間試左兩個豆腐產品


食完就走人 , 去附近既上通食碗拉面先
去左呢間旅遊書介紹既 ,




不過其實我覺得唔好食..........

食完就返酒店,途中經過呢間旅遊書講到好勁既Kumamon 精品店
入到去其實完全無特別 ........


好啦 , 之後再去上,下通行 , 買左長野出產巨峰提子試下 , 經過書局買左兩本足球雜誌 , 係運動鋪都買左當地球隊既一條打氣手巾做紀念



行完都未到9點 , 加上知道電車尾班車到12點都有 , 所以決定坐電車到尾站 - 將軍町 , 亂行睇下個地方
入到去都好靜 , 買左兩個冬甩就一路行入去....

經過一間好靚既屋

仲見到好多補習社 , 當時已經9點幾 , 好多學生仲上緊堂


繼續向前行 , 誤打誤撞之下, 竟然行到去峰壽司既本店


但就冇入去食

行到咁上下 , 開始覺得凍 , 見到有巴士去JR站 , 於是就上左
[img]http://i404.photobucket.com/albums/pp129/fai_624/Day%205/IMG_1834.jpg[/img]
又係誤打誤撞之下, 係巴士上面望見味千拉面本店 , 但就影唔到相
因為買左500Yen 既電車Pass , 所以本身差唔多400Yen既車費 , 只要出示Pass , 俾200Yen 就ok了

晚上既熊本站已經好有聖誕氣氛了
[img]http://i404.photobucket.com/albums/pp129/fai_624/Day%205/IMG_1845.jpg[/img]
一落車都10點, 勁凍 , 求其搵埋餐廳入去食飽就返酒店

~第5天完~

Day 6
熊本 > 博多 > HK

又係7點幾就起左身 , 因為趕坐9點班JR返落博多
  


係JR站放低晒d行李後就來到最後一站 - 博多運河城


行到入去又覺得冇想像中咁大同靚 , 不過都盡最後努力睇下有咩買
例牌去運動鋪睇下 , 但冇收鑊....


去左姆明餐廳食個飯 , 呢度個環境唔錯 , 入面有晒姆明家族既公仔陪你食野 , 幾得意




拉花少不了

精品都少不了


行到兩點左右出發去機場了
不過回程就delay 左30分鐘
例牌影一影飛機餐


~ 完 ~

精品.......

買左唔係好多野 , 其中一部份

RESERVE

死曬圖

別府站原來咁繁盛，我以為好郊外

啊，有新遊記！

英俊:死曬圖[表情]  (2014-11-16 17:37) 

我睇到喎。

亞蘇無得睇, 好可惜啊! 不過D楓景都好唔錯呀...........

我個FD 宜家係九州，佢都話無得睇阿蘇火山。

我都有睇到呀蘇山腳個展覽, 諗住好高科技, 點知真係好渣.