Sopcast 睇波中 Locky 毒？ [復制鏈接]

作為睇波狂迷，相信 Sopcast 呢個程式你一定聽過兼可能用過！近日就有網民發現用 Sopcast，竟然會中咗呢期最紅既Locky 病毒，被人加密晒及鎖晒電腦內既檔案，要畀錢先可以解得返，都咪話唔驚驚！

可能你會話，都係亂 click 廣告先中招，但高登討論區中呢位網民，就發現 Sopcast 本身雖然無毒，但係入面內藏既廣告有毒，所以開啟 Sopcast 後，即使唔 click 任何廣告都有機會中 Locky 勒索病毒，仲被人加密晒所有電腦內D資料，要畀錢先可以解番，所以叫人 delete 軟件保平安。

事實上，有網民就試過並唔係每次開啟 Sopcast 都會即刻中毒，原因係 Sopcast 每次推送的廣告都不同，但網友經過不斷開關 Sopcast 試驗之後，發現係晚上 8 至 10 點係中毒既黃金時間，大約換 10 次廣告左右就有機會中毒，風險都幾高！

http://www.e-zone.com.hk/channelnews.php?id=12939

講到用 Sopcast 咁危險？係咪唔好用先！其實網民都提供另類解決辦法出嚟，睇下幫唔幫到你？

01. Delete 保平安

最簡單既解決辦法，就係將軟件 Delete 刪除。想睇英超、西甲、德甲既，還是乖乖地去 Join 番收費電視台，起碼唔會中毒咁大鑊，兼且畫面質素更具保證。

02. 用 VM 虛擬電腦

Sopcast 唔一定係「邪惡睇波神器」，其實 Sopcast 都仲有其他野睇！唔睇波，但追唔到 Sopcast 節目咪好慘？咁呢個時候，你就唯有做好資料 backup，兼且用 VM VirtualBox 虛擬電腦來開啟 Sopcast，萬一中毒都只係剷咗虛擬電腦既作業系統，損失無咁大。

03. 用 Android Box 睇

另外，有網友教路不如用 Android Box 睇，皆因 Sopcast 有出 Android app，用 Android Box 睇 Sopcast，最大損失都只係一個 Android Box，點都好過電腦內既珍貴資料！
http://www.e-zone.com.hk/channelnews.php?id=12942

有人話用ACESTREAM一樣有機中
唉...即係叫我唔好睇波

我上次一DL 就中毒了。

freezefox:我上次一DL 就中毒了。[表情] [表情]  (2016-04-08 14:46) 

上一次即係幾時？我用左幾季都無事......


你就係中呢隻？呢隻好似好麻煩架喎

迪克:有人話用ACESTREAM一樣有機中
唉...即係叫我唔好睇波[表情]  (2016-04-08 14:33) 

ACESTREAM都中   姐係逼住睇FLASH

迪克:有人話用ACESTREAM一樣有機中
唉...即係叫我唔好睇波[表情]  (2016-04-08 14:33) 

用開ACESTREAM

alan1439:ACESTREAM都中[表情]   姐係逼住睇FLASH[表情] (2016-04-08 15:18) 

迪克:上一次即係幾時？我用左幾季都無事......
你就係中呢隻？呢隻好似好麻煩架喎 (2016-04-08 15:00) 

無幾耐之嘛。係直播版都有講到。個晚無得睇電視，想睇波，試下用Sopcast, 一DL 電腦就警告話我中左毒。但我唔知中咩毒喎……又唔覺部機有事。跟住無理了。但就唔敢再DL 了。

上個星期既事黎
sopcast本身無毒
但係佢左邊有個位賣廣告既
就係果度某個廣告中毒

, 又唔係睇A片都中毒

utadahikaru20:[表情] [表情] , 又唔係睇A片都中毒[表情]  (2016-04-08 15:27) 

識睇一定係睇a片都唔中毒

Numberson:上個星期既事黎
sopcast本身無毒
但係佢左邊有個位賣廣告既
就係果度某個廣告中毒
[表情] [表情] [表情]
....... (2016-04-08 15:25) 

係呀~篇野都係咁寫...........

邊仲敢用.....

alan1439:ACESTREAM都中[表情]   姐係逼住睇FLASH[表情] (2016-04-08 15:18) 

FLASH質素真係................