並無錯怪賓尼迪斯! [復制鏈接]

之前有人狂踩佢\
話果d輪換制冇用...防守死球時唔應該用區域聯防
又叫佢唔好亂變陣
總之搞到差唔多要佢落台咁濟

事過一排...依家利記成績突飛猛進
作客兩場都炒人蛋..主場又唔駛輸
其實呢d係邊個既功勞呢
我唔敢肯定100%係賓尼迪斯的策略成功\
但係諗深一層...佢真係係呢方面落左好多功夫\
佢日日重溫球賽錄影帶...每場諗定應該出咩人踢咩位
又肯聽人地意見..好似全世界都話叫佢比謝拉特打返中間
佢都有聽民意丫...

會唔會係一直以黎大家都誤解左佢呢?
今天先發覺佢既用心良苦喔


說得不好請不要插得太盡

唔覺。

之前就係因為佢戰術有問題，所以利記輸到扒係到！

宜家就係因為佢肯放低自己既成見，利記先可以重上軋道。但係，遲左囉。今季爭標無望囉。


以今年利記既人腳，要同曼聯、車仔爭一日之長短，並非難事。宜家睇，只可以爭第三，差幾遠。




當然，佢終於都係改變，唔再一直堅持錯個套，始終係好事。

仲有，我自己唔係以成績論英雄。

即係，打得差，踩到你地底泥咁。打得好就捧你上天。

若然真係客觀環境唔許可（例如傷兵太多），係有限資源下，仍然打出一定成績，即使爭唔到第一，我都會好欣賞。


相反，比齊你想要既野你，要咩有咩，都唔好話爭第一，只係想你打番場好波，都做唔到。即使最尾好彩比你羸到，我都唔覺得咩咁巴閉。

樓主講法就好似話.....

董建華一心為香港好

試左好多方法治港

而家香港經濟轉好

我地要多謝董建華用心良苦

(如果比喻得唔好我 say sorry)

引用第2樓freezefox於2006-12-18 17:54發表的“”:
仲有，我自己唔係以成績論英雄。
即係，打得差，踩到你地底泥咁。打得好就捧你上天。
若然真係客觀環境唔許可（例如傷兵太多），係有限資源下，仍然打出一定成績，即使爭唔到第一，我都會好欣賞。
.......

同意你咁講

i always support ben sir....

i dont think it is the responsibility of rb when we lose in the large game in the last few month

the most important thing is about the finishing

except vs manu....i think we plays on form when vs chelsea and arsenal....

but the finishing is really bad that we couldnt score goal....this cost us...

i think putting gerrard in the right side is not a great problem

also,if you analysed the past few matches

firstly, the opponents are not difficult to beat....

secondly, we gain two penalty to open our scoresheet in the past three matches...

if we opened the score first,it is easy for us to play......as we are good as counter attack

in the past few matches.....i thinks liverpool is playing up to their standard but we can still play better

the management of rb is similar through out the season but we get more luck...so we win easiler......

firstly, the opponent is not difficult to beat....

同級對手，輸比曼聯兩蛋……輸比阿仙奴 足足三蛋……

其他對手，保頓、愛華頓、米杜士堡、錫菲聯，請問邊一隊係強隊？米杜就零比零、錫菲聯一比一。輸比保頓輸夠兩蛋……同市打吡，仲要輸足比愛華頓輸三蛋……

只有兩個字可以形容呢一段時間既利物浦：「羞家」！


secondly, we gain two penalty to open our score in the past three matches...

so....when we open the score first,it is easy for us to play......as we are good as counter attack


無錯，但12碼正正係不斷施壓不斷進攻既回報。無端端人地係唔會送球12碼比你。

的確，一段時間，我地欠運，攻既唔入。但運氣我地掌握唔到，所以我地只可以不斷進攻，進攻，再進攻。加強火力。無運咩，自己打開個缺口。缺口一開，運氣自然來。

我都同意老狐講法, 家陣成績好返d, 唔係因為戰術得宜, 而係個陣真係無變化咁大, 睇波個陣都

應該講到d講波兄弟話, 比拿美同古治真係愈黎愈夾到, 所以, 呢d咪叫默契囉, 唔夾多d點可以打

高水平o既足球出黎啫

陣容錯配係我地前鋒入唔到波既重要原因。


謝拉特可以打左，可以打右。呢個唔係問題。尤其當我地無翼無盛個陣。被迫要咁做。但當我地明明有翼，明明有其他球員可用，都死要謝拉特打佢唔係最擅長既位置。就係問題。

數據既野，無得呃人！謝拉特上半季既射門數字少得幾可憐！你用佢拍埋巴頓、林伯特呢d 打同一位置既球員你就知。一改打中間，即刻有入球。仲要係連續有入球。呢d 野，邊可以用黎咬氣？

仲有，我地一直強調，謝拉特最大既問題唔係唔打中間，唔係打左或打右。而係時左時右！無場一樣。一陣又咁，一陣又咁，你叫佢點適應？呢個先係長期變陣既最大漏動！

謝拉特打中間，受惠既，絕對唔止係謝拉特。兩翼，前鋒，都一同受惠！

季初，比林美無料到。點解？無供應呀！下下大腳斬上去，邊係佢個家波？宜家謝拉特打中間，多左直線傳送，多左致命傳送，比林美即時入番波。仲要場場有波入！呢D ，又係即時既反應！無得呃人。


連兩翼既賓納特，都因為中間有謝拉特壓住，兩側多左好多空位走動。易打好多。謝仔又善於中路分波，分D波又靚又致命。有佢打中間，我肯定，賓納特好快就可以回復佢以前既最佳狀態！




自從謝拉特轉番打中間，一切順風順水，成隊波生番哂！咁你話，之前賓尼迪斯用左半季黎玩個陣，係咪錯到無譜﹗

引用第7樓雲佬於2006-12-18 18:21發表的“”:
我都同意老狐講法, 家陣成績好返d, 唔係因為戰術得宜, 而係個陣真係無變化咁大, 睇波個陣都
應該講到d講波兄弟話, 比拿美同古治真係愈黎愈夾到, 所以, 呢d咪叫默契囉, 唔夾多d點可以打
高水平o既足球出黎啫

默契對一隊波黎講真係好重要，好重要。場場落場既柏檔，唔係唔同人就係唔同位，你點可能建立到個默契？

仲有呀，呢期呀，又輪到AGGER 同希比亞玩輪玩啦。


你有冇見過一隊強隊既中堅可以玩輪班制？我就真係聞所未聞………


中堅呢D 咁緊要，咁講求合作性既位置，都玩輪班？



你玩死AGGER囉………

根本唔排玩野陣, 之前個成績點會咁差??

謝老四打番中場中, 成績即刻好番.......

咁做乜之前死都要擺佢去右邊

之前排埋d怪陣....

已經係錯

我都覺得輪換制基本上係冇問題

適當ge時候可以俾d球員休息下

但問題其實係在於rb點用

我覺得佢就好似換上癮咁

理得你係球隊主力 , 重心 乜都好

總知佢覺得有效就換

咁樣唔單只令球員之間缺乏默契

有時仲會令球員難以適應

謝仔同Carra就係好例子

e家 佢肯聽外界意見

放番謝仔o係中間

(我唔敢以li排ge成績舉例 , 始終對手係弱隊)

但近排謝仔的確回勇

咁多少都應該同佢打番1個固定ge位置有關o掛...

而且我覺得將謝仔放o係右路ge策略通常只能在弱隊身上發揮作用


所以...我唸真係要接受現實la...

大家今期聖誕快車就知賓sir係咪用心良苦啦
近幾場車仔,mu,阿記班球員踢起黎好似已經疲疲地
但利記已經上哂火
3場入11球


我信賓sir