英超首周評論（熱刺） [復制鏈接]

811！英超開囉。頭場二場就有熱刺同紐卡素等被視為今屆五強既熱門人選。賽前實力亦被評為相差無幾。點知打出黎，一天一地。兩隊都作客，一隊對升班馬新特蘭，竟然係最尾九十三分鐘失手，全失三分。造就堅尼神話式既降臨。另一隊領隊倒戈，對番自己既舊東家，一洗以往作客唔識入波既惡習。上半場輕鬆地連入三球。最後以一比三勝出今季首場作客勝仗，打響頭炮。


今屆英超五強，曼聯、車路士、利物浦被視為必然之選。阿仙奴係亨利離隊既情況下，一致睇淡，但無人敢懷疑佢五強既資格。剩番一個位，最被睇好既，就係連續兩年都緊貼阿仙奴既熱刺，同埋今年大肆擴軍既紐卡素。三十八場波，當然唔可以以一場論英雄。但單單以頭場兩隊作客既表現睇，熱刺無疑係令人失望既一隊。相反，紐卡素即予人極大期望。



先講熱刺。雖然向來都知道，熱刺作客同主場既表現，可以係兩隊波。但首仗對手只係升班馬既新特蘭，隊中既無咩明星球員，又無咩特別具威脅既球員。賽前應該比睇高一線。唔羸都無理由和唔到。偏偏，就係最尾個一分鐘，全失三分。究其所以，其實問題同上年既幾乎一模一樣：


1. 鋒線組合陣容雖強但欠銳利。


熱刺既前鋒組合，係英超黎講，真係頂級。貝碧、羅比、d賓、迪科爾。全部國腳。有技術型有速度型；有中鋒有翼鋒。隨住不可既組合，可以變出不同既陣式。係熱刺最厲害既爭標本錢。但第一仗睇黎，未達水準。

貝碧打黎無火無heart！悠悠閒閒咁。似乎不在狀態。係前線停波、分波、二傳各方面既功夫亦唔算做得好足。羅比係打得叫最搏最好個個，但往往孤掌難鳴，單騎殺入敵陣，面對密集防守，傳又無路，射又無門；扣得兩扣，波都失埋。d 賓、迪科爾後備入替，時間不足，形勢不利，難見表現。究其所以，除左貝碧係個人問題外，其他三人，都係因為支援不足而引致發揮唔到七成既水準。d賓、迪科爾都係需要輸送，需要上腳，在在都要空間！無位無路，只可以死推爛扭。注定死路。中場無供應，搓唔散對方防線；邊線球員又唔落底，拉唔空兩邊空間；前鋒拍擋亦做唔到空位；於是，呢類球員變成得個快字，無得發揮。羅比早段都交到功課，同貝碧都有一兩下夾波。但後段已經無從發揮。調入d賓，佢偏左打後一格，就更見無人可夾。新特蘭既密集防守策略成功故然係原因之一，熱刺領隊錯誤既部署，令前線冗員過多，中路輸送卻少，先係熱刺前線陣容強大卻發揮有限既最大原因。

2. 中場散亂，無大將支撐。

熱刺最大致命傷。在於中場。上季如斯，今季如此。贊拿斯有等如無，幾難先聽到佢個名一次。一隊波，好難期望中場指揮官隱形成個鐘，然後突然出現踢一腳好波。等極無反應，就會唔等，自己死去好過。當然，早段佢被迫遷就其他人，偏右路打，唔係佢擅長位罝。後段移翻中路，叫做好過一排，但好快又潛水去也！成條中場線，缺乏一個重心人物坐鎮，既散又亂，各自為政。馬白蘭基叫人失望。原本成條中場線得佢一個叫到上到下腳，帶到下波。可以多d 落底，多d 個人突破。但今場表現，勤力有餘，狀態不足。幾乎未見過佢可以用盤扭技術過到人。較之以往係富咸過關斬將，硬闖敵陣。的確遜色好多。尤其係連農傷出既現在，熱刺既進攻泉源，一定係黎自佢。佢發揮唔到應有水準，變相等如熱刺成條中場線癱瘓！唔通靠索高拿、泰連高咩？泰連高唔睇番個出場陣容都幾乎唔記得佢係正選。索高拿作為防中，表現其實都可以接受。尤其係中場攔截方面，算係交到差。但分波組織，調控節奏，則仍然差強人意。見到佢，更令人懷念上季表現可人既赫道史東。今場佢最尾幾分鐘先換出黎，出黎唔駛一分鐘，就射出熱刺全場最具威脅既一球。似乎佢比索高拿更適合打防中呢個位。尤其當熱刺成班中場都無後上既威脅能力個陣。

中場無組織，無輸送，一味破壞，對於前線幾個技術型前鋒而言，簡直係災難。加上全員集中係中路進迫，放棄兩側，變相迎合對新密集防守既陣式。無法將球場既深度、橫度拉闊，令對手更易防守。熱刺今仗有威脅既射門，得個區區兩個。一個仲要係黎自最尾幾分鐘調入既赫道史東。令擁有四大前鋒既呢隊強隊，無法向球迷交代。


3. 後防缺口，多次失誤。處理死球有問題。

但數今仗最大敗筆，卻係後防多次離奇失誤。成條防線，得占邦達一個叫做打得好。助攻助守，前又見佢後又見佢。守，守到李察臣一幢都無。左路威脅解除。攻，填補馬白唔落底唔出波既缺陷。都叫有番個人係右路出下波。除此之外，熱刺防線就無咩叫人印象深刻處。或者應該話，最深刻，就係佢地既失誤。

上半場加特拿一次漏頂，已經令熱刺陷入第一次危機。靠羅賓遜出擊夠快，封殺對手射門路線。先至無事。下半場再黎多次，對手竟然可以係十二碼點附近，無人迫無人拍既情況下攞到波。可能真係太「離奇」，連對手都唔信有咁大隻蛤蜊隨街跳，反應不及，控離左個波，再靠羅賓遜第二次神勇撲救。又死過翻生一次。但羅賓遜唔係上帝，無可能球球都救到。完場前一分鐘，對方死球開出，熱刺一對中堅第三次出現同一錯誤，讓祖柏係十二碼點附近輕鬆攞定個波，睇清楚先射死角。今次，羅賓遜連反應都黎唔切比。個一分就咁送埋比對手。令堅尼帶領既新特蘭，打開今季主場勝仗既大門。

同一種錯誤，不斷出現係熱刺一對中路防守球員身上。處理死球既笨拙，重複又重複咁出現。雖然好大程度係因為京治同多臣兩名正選中堅傷出，領隊迫於任用加特拿。但傷敗情況一定會繼續出現。熱刺既防守唔再改善，好難令人相信佢有能力同紐卡素、阿仙奴爭一日長短。


4. 鬥志成疑，容易放棄

除技術、陣容等問題。熱刺球員既鬥志亦令人成疑。貝碧肯定係今場打得最無精打采個個。賽前d 友賽，人人有波入，都唔知約左d 咩對手黎打。一番到英超就現哂形。希望貝碧既情況只係個別事件。始終，佢係一個有質素既球員。絕對值得期待。但其他球員，亦未見打出士氣。好多時都係你賴我我怪你既情況。觀乎羅比堅尼往往無人可以夾到波睇，球員係對方持球時，未有積極走位現身，的確係今仗輸波既其中一個原因。當最常上腳既羅比同馬白，都搵唔到人交波個陣，就好容易被對手夾去死位。白白浪費一個進攻機會。再睇鬥心，明顯地，打到尾段，即使領隊不斷換入前鋒，但場中球員，卻早早已經求和心切。尤其尾段十幾分鐘，已經唔見佢地有積極組織攻勢。相比新特蘭堅持到最尾一分鐘都無放棄，實在相形見拙。呢份鬥志，亦正正係呢場波既勝負關鍵所在。

遲少少得閒再講埋紐卡素。

長壽post

引用第2樓江川徹於2007-08-12 02:20發表的“”:
長壽post [表情]

短命post。多數一周起，一周止。

紐卡素真係值得講下......頭先睇左大半場，好對辦!

呢場見到,4真係致命傷

千字文再現

分析得好仔細

4個pt都好同意....
hudds,murphy,taarabt..and maybe rouledge都可能解決到頭2個問題.....
睇完半場都覺得hudds係一定要出黎...
但佢真係夠膽死84分鐘先換出黎......其他bench都冇...冇野好講...
我都唔明點解擺 ainio o係左都唔馬白左rouledge右.........
作客升班馬需要咁強防守力咩?學老狐話齋..落多d底拉空兩邊先喇...(先勿論出波質素..)
結果攪到左右中場同左右兩閘根本做唔到配合落底...(lennon+chim,malbra+lee果陣都有ed波睇..)

睇下半場既下半段...真係完全冇跡象顯示熱刺可以入1球波...
我o係直播版都話今場波鬥志就係分野...(不過個post食鬼左.. )

其實kaboul頭幾十分鐘係打得唔錯架..而且有d lucio feel...
隨左有一腳o係禁區撻左個波上天......真係頂曬....+幫手反擊......
但問題係傷出左去番黎之後....d企位真係差到......
(造就你上面講既兩球...佢既責任比gardner仲大..)
我就好似見到兩個gardner o係度咁..................

jol今場真係樣衰...由開賽對既部署到臨場既應變都完全輸曬........
不如加多個pt....領隊部署指揮不濟...

嗯 , 熱刺真係冇咩鬥志 , 我覺得新特蘭嬴主要在呢度

老實講...新特蘭進攻真係好水皮.......
如果仲係咁..唔可能去到reading個level...

但守得好硬淨..特別係mcshane...鏡頭有berb=有佢....
應該不愁降班....
我覺得e個都係今場berb打得差既其中一個原因...

千字文 , 好耐冇見

引用第10樓賀雲斯於2007-08-12 07:10發表的“”:
老實講...新特蘭進攻真係好水皮.......
如果仲係咁..唔可能去到reading個level...
但守得好硬淨..特別係mcshane...鏡頭有berb=有佢....
應該不愁降班....
.......

佢真係癲...打到成個terry咁

翻版terry + 黑人gerrard

老孤既千字文返黎啦

鬥志成疑...

可能第一埸未上力
有2個月無咁正式比賽差D
始終人地主場點都士氣旺D