老婆大肚 3個月 新婚周永恆腦生瘤
2010年04月02日
老婆眼濕濕
本周二（ 3月 30日）周永恆講到發現腦生瘤一事，神情平靜。但身邊太座趙頌茹一提起這事則眼泛淚光，還要輕倚老公肩膊找慰藉。她說：「當老公同我講有一日會走，嗰一刻真係喊出嚟。」老婆難接受，但 Roy卻覺得今次因為腦瘤而更懂珍惜所有。
25歲的周永恆（ Roy），於 05年因藏毒被捕，跌入人生谷底，經過幾年掙扎，昔日壞孩子好不容易重新做人。今年一月他更與拍拖 6年，對他不離不棄的女友趙梓淇（前名趙頌茹，洋名阿 Yu）奉子成婚，展開人生新一頁。正當他感到幸福之際，卻因交通意外入院檢查而被醫生發現腦生瘤，這個病可令他隨時暈倒休克，恍如計時炸彈。
面對這個突而其來的噩夢，周永恆坦然起初極度低落，更試過抱着老婆痛哭質問上天：「點解要係我！」但為了還未出世的骨肉，他選擇堅強面對：「我活着嘅每一日都係賺番嚟，所以每日我同老婆只會感恩。」
周永恆新婚不久，老婆阿 Yu又懷孕 3個月，正享受新婚甜蜜的他，上周六與家人在教會接受浸禮時突然爆出自己患腦瘤，令場內觀禮的人大感愣然。
周永恆上周再到私家醫院照磁力共振，確實邊腦有 6cm的蜘蛛網水瘤。由於所在腦部位置是負責控制情緒，令他驚覺何以由細至大都好暴躁，試過發脾氣將櫃拆爛，後來信耶穌才變得平和，今次終解開他情緒失控之謎。
今年 1月二人到律師樓簽字結婚，當日二人許下同甘共苦的承諾，想不到事隔不夠 3個月就要受考驗。
受浸講見證
上周六（ 3月 27日）周永恆到葵涌教會接受浸禮時，公開講自己 3個月內結婚、當準爸爸及腦生瘤的經歷，心情有喜有悲，但他只視作挑戰，有信心去面對。
關心妍籌奶粉錢
傷心過後，兩公婆選擇欣然接受事實，阿 Roy的腦瘤不再成為一種阻礙，反而令他看破生命。「呢個瘤跟咗我廿幾年，我到今日仍然活着，原來每日我都係賺番嚟，所以我依家講得最多嘅就係感謝神。當你每日識感恩，面對任何事都會好平靜，更明白萬事皆有其美意，看似大禍臨頭嘅事，背後其實係禮物。」至少呢個瘤令我更加珍惜同家人相處，又令我老婆成熟咗。以前我唔鍾意陪老婆行超市，依家會陪佢行，原來都好開心。就算上天要我過一個濃縮版人生，我兩公婆都欣然接受，我會帶住呢份經歷去講見證、傳福音。」
記者問他會否擔心經濟問題，他說：「我仲係星皓藝人，之前打算自資出碟，但峰哥（老闆王海峰）知我有病，即刻二話不說幫我出，令我好感動。」 Roy將於本周五（ 2日）補擺喜酒，而與他相熟的藝人如關心妍、高皓正等友共籌四萬元給他 BB做奶粉基金，確是人間有情。
由結婚懷孕到老公有病只有短短三個月，高潮迭起的經歷，正正將過往有點嬌生慣養的阿 Yu改造過來。
「生仔嘅痛我都唔怕，面對老公有腦病我承受得到。因為阿 Roy最怕家人擔心佢，所以我唔可以冧，唔想令佢擔心。慶幸我哋兩公婆有同一信仰，可以喺祈禱中有平靜同盼望。我以前係一個購物狂，每日都要 shopping，但買完一行出門口就已經好內疚，每個月出糧永遠使到一個仙都無。但自從有咗 BB，意識到要為孩子將來打算，我開始學習節制，加埋老公有腦瘤，我更加唔會亂使錢，我已經兩個月無買過衫，好想俾老公知道，我已經識諗，識為自己同 BB將來打算，老公你唔使擔心我！」
腦神經科專科醫生黃震遐（圖）指出蜘蛛網水瘤多數屬於先天性，其中一個引發原因，是腦部發育不正常，留出空位形成水瘤，一般而言不會變成惡性瘤。若果面積不算太大，一般不需要做手術，但一定不可以做劇烈運動，及腦部不可以受撞擊。「不過，佢嘅瘤有成 6cm，算好大，如壓住耳神經會有耳鳴，若果再大啲，更有可能壓住腦部血管，會隨時爆血管，如果一定要做手術，手術後可能會引發另一問題，因為冇咗水瘤，原有位置騰出空間，令腦部容易移動。若移動可能引致腦部內出血，這樣就變得好危險。既然知道手術後會引發問題，通常是否接受手術，都會交回病人自行決定。」
真係苦命鴛鴦
