又到我呢個老屎忽出黎講兩句野, 正所謂人之將死, 其言也真(因為我就黎做到死), 所以相信我
所講o既野某程度下可以啟發到您地對呢件事睇法, 我無上黎一段時間, 所以實際知道內情唔多,
我只不過將各位老兄談話內容作一個分析咋
其實大家論點, 無人錯, 但係我覺得偏重左一方面, 就係大家成日掛住嚮口邊o既"我地唔可以再
比機會佢", 無錯, 嚮人生入面, 常常都會有人比機會自己, 但一而再, 再而三唔去珍惜, 咁其他人
唔可以再講呢句說話啦, 倒不如換一個方向諗, 呢個人真係"自己都唔比自己一個機會", 所以, 可以
換咁o既角度去睇呢件事, 咁又何需大動肝火呢~~~~~~~
第二, 各位有無諗過, 我地成班點解會嚮好友呢度聚埋一齊, 講波, 談天說地呢, 唔係因為搵到一班志
同道合o既朋友咩? 咁若然有一個人未能融合一齊, 咁係佢難受定應該係自己難受呢? 呢個大家可以自
己諗一下, 既然大家都比哂機會佢(我假設佢真係故態復萌呀), 咁自己勞氣咪即係要自己難受? 咁會
唔會有少少唔妥當先, 佢真係改唔到佢o既個性o既話, 自然融入唔到大家o架啦, 咁佢嚮度都搵唔到
我地o既樂趣o架, 咁你明我講乜o架, 對不對?
正所謂"哀莫大於心死", 你一日為佢勞嘈, 代表乜丫, 所有第三者都要覺得你在乎佢, 關注佢, 緊張佢,
唔係洗乜理佢o者, 呢個世界入面, 朋友與朋友間其實要做某d野都係有個限度, 你無可能捉住佢手手\
腳腳咁去做人, 要勸, 勸過, 要比意見, 比過, 大家都問心無愧, 又何苦再為佢種種行為而令到自己失
去應有o既冷靜丫, 大家都做過該做o既事, 咁就真係睇佢"做化"啦
最後我希望個位好友明白呢兩句說話, 希望佢到最後都明白大家對佢o既期望啦
"忠言逆耳利於行"
"苦口良藥利於病"
我又要再去開工啦, 祝各位身體健康呀~~~~~~~~~~~~
