[轉]
華爾街狠人Like Page
10 hrs ·
今次想爆下狠人收到朋友喺銀行裡面的第一手消息。
首先，最近兩位匯豐最高層相繼離職，我夠膽講100%係政治原因，完全唔關咩工作能力事。（有媒體話係因為重大投資失誤....搞笑咩....）
係人都知，真正的公司話事人，唔係CEO，而係董事會，而董事會要炒CEO或高層，真正的原因絕對唔係表面的原因。
咁點解今次匯豐要炒人？仲要係呢個咁敏感既時候炒？
簡單講，係同中共有直接關係，但唔關咩4000億事。
中共過去十幾年，極為進取地追求經濟增長，中間當然有數之不盡咁多的利益輸送，銀行業係直接受惠。中共與香港各大銀行之董事會高層的關係可以話係千絲萬縷。你根本想像唔到中共手上有幾多銀行業董事會成員的黑材料。
而今次中共逼匯豐董事會炒人，一來係要追究之前匯豐有份幫美國司法部搞左一份可用來起訴華為公司的材料，最終間接導致華為的孟晚舟在加拿大被捕。
二來中共今次係要清晰地俾所有銀行業董事會及高層知道：你企喺中央個邊，定係同錢作對個邊？（所以呢兩日幾間銀行相繼登報紙向中央表明效忠，內容極之嘔心。但無計，銀行唔會同錢作對。）
狠人多年銀行經驗，都跟過好多內地的大客，中間有D私底下都成為左好朋友。仲記得早年有一次同一位內地上市公司的一位股東食飯傾偈，佢計劃緊全家移民，打算放D股份套現，佢話：「當我有這個打算時，賣了少量公司股份，馬上就收到中央官員電話，要求我一天之內買回股份，否則後果自負。並且警告我，如果不想坐牢，就不要繼續申請移民。」
佢呢番說話，我好深刻，一直記住左，每次再見D內地企業既老闆客，我都會有種可憐佢地既感覺。冇錯，佢地名義上有好多資產，但係喺中共政權嚴密監控之下，佢地唔係真係過得咁開心咁自在。所以幾乎全部我認識既內地有錢人/官員，可以的話，佢地既屋企人全部都會移民離開中國，佢地都唔想自己既下一代活係呢個提心吊膽既國度。
依家香港愈來愈似大陸，中共選擇左更嚴厲打壓香港人各方面的自由，今次選擇先打壓航空業及銀行業，企圖令大家唔敢再發聲，亦試圖孤立同分化還在抗爭既香港人。
依家每次政府記者會都大打經濟牌，又話示威者搞亂香港，影響香港經濟，其實真正始作俑者係背後的政權。（之前金融業同路人發出的聲明都已經討論過）大格局咁睇，中央已經全面反攻，政府拉攏商界表態轉移經濟差焦點，嘗試重新喚醒香港人追求安穩賺錢既基因。（好多香港人卻唔會知道賺快錢既代價係用香港下一代人既前途黎換的。）
我希望各位同路人都更警醒，呢刻我地一定要團結，唔可以再中計，我地依家首要做既，係要回歸法治、自由同民主，因為呢三樣野先係安穩經濟既基石，亦係香港一直以來成功對抗多次經濟挑戰既最大優勢。
最後強調多次，金融業同路人和廣大市民齊心推動香港全面發展，五大訴求缺一不可！香港人，加油！
#金融業同路人
#華爾街狠人
#永不割蓆
#香港人加油
PS: 手動改食字, 改到pk
[ 此帖被myrmidon在2019-08-10 22:53重新編輯 ]
