高等法院裁定梁君彥無權為梁頌恆和游蕙禎再作任何監誓，兩人議員資格被取消，議席已經懸空 [復制鏈接]

立法會早上開大會，在議員劉小麗完成宣誓後，青年新政的梁頌恆及游蕙禎進入會議廳，游蕙禎自行衝往主席台前，宣讀類似議員誓詞，梁君彥隨即佈暫停會議，並要求保安員將兩人帶離會議廳。議員梁國雄、毛孟靜、陳志全等泛民議員上前阻止，與保安人員拉扯，最終游蕙禎由保安帶離會議廳。另外，多名泛民議員包括羅冠聰、朱凱迪、邵家臻、梁國雄、陳志全、劉小麗等包圍梁頌恆，阻止保安將他帶離會議廳。部分建制派議員大叫，要將兩人趕離會議廳，亦有建制派議員衝上台前，與泛民議員理論，場面混亂。

迪克:即係咁，球例本身舉腳過高呢，只係吹罰，唔會紅牌
球員落場後，舉腳過高，球證吹左，無俾牌既
但完晒場，玩秋後，仲要話停十場
公平咩？
....... (2016-11-02 08:59) 

係唔公平，但足總係佢既人，邊有得玩

釋法都出埋，GG 了

啪啪啪啪啪啪:之前都估到會釋法
唉，衰啲講句，佢地自己拎黎賤
好地地宣佐誓先，之後慢慢地咪好囉
....... (2016-11-02 07:34) 

今日你可以因為宣誓去釋法，你覺得佢地係拎黎賤！


聽日一樣可以因為任何理由去釋法！鐘意既，佢搬多二三百萬內地人入黎香港都仲得！到時你反對！一樣會比人封殺！


一個小學生，係學校爆左句粗，你可以鬧佢，罰佢，記佢過！但你唔可以趕佢出校！佢有權利返學！呢個係法例賦予佢既權利，不容剝奪！

一個殺人犯，要受法律制裁！但都可以有請律師為自己辯護既權利，唔可以因為佢殺左人，「自己拎黎賤」，就剝奪佢最基本既人權。兩件事豈能混為一談？！

立法會主席梁君彥，宣布將會議轉到一號會議廳繼續，青年新政的梁頌恆，在熱血公民鄭松泰的陪同下，先後試圖由兩個入口進入一號會議廳，都被保安員阻止。

freezefox:今日你可以因為宣誓去釋法，你覺得佢地係拎黎賤！
聽日一樣可以因為任何理由去釋法！鐘意既，佢搬多二三百萬內地人入黎香港都仲得！到時你反對！一樣會比人封殺！
....... (2016-11-02 11:47) 

一句講哂，欲加之罪，何患無辭

utadahikaru20:依壇野真係佢地o 99.
但投比佢地既仲........所以話香港係死起自己人手上
依家比人咁玩只可以話自己抵死[表情]
....... (2016-11-02 11:08) 

投俾佢地有咩問題呀？
有幾....呀？

廢托:搞到咁大....何必當初............ (2016-11-02 09:33) 

宜家係689 攪大件事。


為左一兩句所謂辱華言論，將香港百年既基業毀於一旦，將香港最後一塊基石都摧毀！！！完全係本末倒置，輕重不分！


即係，你為左打死隻曱甴，係屋企放毒氣！呢個世界有冇咁白痴既人？！

如果顧全對方感受同比交足保護費就代表對方唔會搞你
咁北宋同南宋就唔會滅亡啦

freezefox:今日你可以因為宣誓去釋法，你覺得佢地係拎黎賤！
聽日一樣可以因為任何理由去釋法！鐘意既，佢搬多二三百萬內地人入黎香港都仲得！到時你反對！一樣會比人封殺！
....... (2016-11-02 11:47) 

係囉

明明俾人借題發揮,無限上綱上線
但愈來愈多人將槍頭對返油糧

可悲！

被保安員帶離立法會會議廳的青年新政議員游蕙禎，在主席梁君彥宣布暫停會議，並在半小時後轉到會議室一開會後，由公民黨毛孟靜陪同下，試圖進入會議室一，但被保安阻止，目前雙方在門外對峙。

大家既言論有少少奇怪………


宜家同你話D 女仔自己著得暴露，所以抵比人強姦有咩分別？！





你可以話佢蠢！話佢低能！話佢小學雞！但呢D 全部都係無關痛癢無野搵野黎講既芝麻綠豆小事。但就要動用到幾次流會，甚至向法庭施壓，再搬埋人大釋法出黎。誓要整死你為止！不論代價不理後果不講原則亳無公義！成件事既恐佈大家有冇意識到？即係，有一日，某人睇你唔順眼！要整死你，就算係幾無謂既小事，幾微不足道既問題，佢都可以總動員所有人力物力，唔駛理法律唔理社會既價值觀唔理譽論既壓力，一定要整到你為止。而你，係得唔到任何保護。


我地可以咁安心係香港生活，係因為出世到宜家，我地都理所當然地，相信自己係受法律保護。我地既權利同生命財產，係受到法律既保障。而今日，政府連同班建制，話比你聽，以後都無呢支歌仔唱了！你既權利、性命、財產，是否得到保護，係由佢地心情決定。你唔驚？

freezefox:宜家係689 攪大件事。
為左一兩句所謂辱華言論，將香港百年既基業毀於一旦，將香港最後一塊基石都摧毀！！！完全係本末倒置，輕重不分！
....... (2016-11-02 11:51) 

我明係689搞事........

我想唔想睇見香港既法治被破壞

唉 , 但係倒返帶佢兩個又係........ 連教主玩左咁耐都唔敢講果兩隻字啦........

freezefox:大家既言論有少少奇怪………
宜家同你話D 女仔自己著得暴露，所以抵比人強姦有咩分別？！
....... (2016-11-02 12:02) 

絕對明白你意思......

我係無耐佢地今次做左個位俾689入.....

但我同樣擔心就算唔關今次呢單野事.... 未來一樣有機會因為其他事而進行釋法.......

佢地宣誓果時冇跟立法會個規則, 係咪可以根據法例取消議員資格, 依家仲未知.

但真係有依件事既出現, 先比政府有機會玩野

唔計釋法,

我覺得政府之前出招係冇咩問題嫁WOR, 佢都係跟足依家既法例下你地玩姐, 上次就比法官Reject 左啦. (成件事都係起法律下進行) .

政府無恥又唔係第一日, 佢分明就係你咬我食果種心態, 係你地自己比機會人地入到位追擊你地姐.

utadahikaru20:佢地宣誓果時冇跟立法會個規則, 係咪可以根據法例取消議員資格, 依家仲未知.
但真係有依件事既出現, 先比政府有機會玩野
唔計釋法,
....... (2016-11-02 12:11) 

我都好唔抵得佢地俾位人入

但政府個做法又係另一回事......