羅力亞:I do care[表情]
(2017-12-05 17:53) 
呢個我明，你係好有責任感的，呢樣真係唔使公論都有目共睹
我既意思只係想講呢樣其實你唔使同人交代，發表個人感受唔係版主禁忌黎，至少呢度唔係。
所以先「無人會care」。
正正係你有責任感，所以先更應該明白親力親為去增加互動性，推動個版先係好既版主應做既野（我就唔合格啦
），如果你刻意唔去表達個人感受，咁咪同你當日做版主既動機相違背左囉？
到你他朝有一日好似我咁，無以前咁投入好友（唔想都總會有咁既一日），你可能就會有一下諗：仲乜鬼果陣咁執著呢啲小事，你今日所堅持既，可能係你今日既原則，將來假若仲記得，可能就變成為昔日既執著架啦。唔係話你犯左咩錯，你有既堅持，雖然唔完全一樣，但小弟以前都曾經有過呢
其實真係好小事，本來就無必要為此特意去做啲咩或者唔做啲咩的。
我其實好後生，唔好搞到我成個大叔咁
