下面是引用ching＊於2006-01-19 12:26發表的:
唔係想撩交嗌
只係字面上語氣重左d..
其實我已經唔係第一次同你講。係，我明白你既諗法（我諗我明掛……）。但係單方面幫史密夫出頭，唔會係幫到佢既方法囉。呢點我都幾肯定。
你試諗下，咁多人會咁樣嘈佢，話佢，會唔會真係人人都有偏見，人人都針對佢先？無可能架。中間實係有d野發生（其實發生左好多野，好多單）。佢人緣先會跌到去谷底。
我已經提過佢要避忌下。但佢根本唔會理會。一於我行我素。係要做d野出黎比人話。我都無計。
一個人人緣唔好，犯眾憎，要解決，唔係同人撐，係要真係睇清睇楚自己有咩行為令到其他人反感，盡量少做呢d行為。早期未攪清楚前，就應該低調d，唔好咁高調。佢宜家咪就係死高調囉。
你有心幫佢，就唔該好似只前某個post咁正面咁教佢算啦。你出口同其他人撐，攪到個個都入黎嘈交。最後會唔會因為咁而大家唔串史密夫哎？個答案你好清楚啦。分分鐘仲會因為咁谷埋一肚氣，串得佢仲甘仲勁呀！
