Zxen:作日Carroll在应该有机会...Suso和Sterling都可以cross给他..
Carroll可回传给Suarez/Gerrard/etc
(2012-10-08 17:34)
卡路爾企係到本身就已經係一個威脅!佢係禁區可以牽制到對方既後防,而且唔止一個,從而令更多既空位出現。咁就有利後上既進攻球員,不論係S7 或者隊長都好。好似尋日既局面,唔係只係尋日先出現,以前,以後,都不會斷出現。無一個球員可以拉空對方既後防,就會不斷出現尋日呢類無定埋手既局面。
只要你睇佢第一場係韋斯咸就已經有表現,傷左之後第一場復出對阿仙奴亦都係十分搶眼,就可以清楚知道,呢個絕對係一個可用,而且好好用既球員。
你唔去用佢,係你既問題,唔好賴個球員。
弱隊死守係好常見。但你有幾可會見到有球隊可以對住曼聯死守又守得住?因為人地有多個進攻板斧。A 方案唔得就B,B 唔掂就C。但利物浦點解成日都失分比弱隊?對強隊都未必會輸,對弱隊卻經常失分(和波都係失分)。因為利記永達只有PLAN A,無PLAN B的。
阿仙奴有段時間都有呢個問題。打死一辦波,無第二樣對策的。所以經常羸形勢但卻羸唔到波。宜家呢個情況卻慢慢改善了。利記宜家似係行緊佢條舊路。