撇除球證 / 旁證嘅因素, 其實呢場波都有d野睇到:
1. 邊個話brendan唔識變通, 剩係識永遠用死一招? 只不過個plan b唔係用一個活動能力唔高嘅前鋒啫.... 上半場領先兩球之後, 班人開始縮後, 簡直就係邀請everton攻我地.... 呢個絕對係球員們仲係缺乏信心嘅表現.... 結果真係輸返兩球.... 亦都好彩捱得到半場冇再多失咋.... brendan見勢色唔對, 果斷地半場變陣, 由4-3-3 變成一個3-4-2-1陣式, 搵coates黎到幫allen睇fellaini, 呢個變彈非常奏效, 下半場everton不斷送高波入去, fans睇落去雖然係驚, 但其實fellaini甚少估到咩甜頭~~ 呢個變陣, 不但穩定返個形勢, 最後仲差d羸埋場波 (一個enrique俾sterling嘅單刀, 同埋suarez門前一腳)....
2. jones.... 今次嘅表現證明左大家對佢嘅擔憂真係不無道理.... 一開頭都還好, 手槌打走個波唔使俾distin攻門嗰下都好精彩, 可惜之後輸第一球, 佢出迎打手槌竟然將個波打返入場中間嘅位置, 喺正禁區頂中間位置落.... 真係唔掂.... 呢下之後佢就開始失信心, 有一下出黎接傳中波, 甩一甩手差d俾distin有機會.... 好彩球證吹distin foul咋.... 然後就信心盡失, 短傳開波冇晒, 全部都係大腳踢上去, 最弊又要唔準, 下下都係傳返俾人.... 清除唔到球隊所受緊嘅壓力.... pepe 嘅distribution好得多.... 開出黎長波短波都好, 起碼俾到自己人, 成隊都定d, 唔會騰晒雞咁.... 如果下半場有佢開波俾sterling, shelvey同suarez喺前面搞, 形勢會更好添....
3. allen對住fellaini真係盡晒力, 亦都表現出同平時幾唔同嘅一面, 肯爛打, 幾好, 可惜始終受身材所限, 都係唔太搞得掂fellaini.... 亦都令人更懷念缺陣嘅正選球員.... 如果有返lucas, pepe同gj, 其實我地呢隊正選都可以打出幾唔錯嘅水準架....
4. wisdom.... 對住可能係全英超出擊力最高, 助攻最有威脅嘅baines, 同埋狀態top fit嘅mirallas.... 真係見到係唔夠班.... 俾佢地針對性強攻搞到真係唔知點咁.... 不過唔緊要, 佢, sterling同suso都係第一次參與merseyside derby, 都好嘅, 對佢地黎講係好好嘅一課....
5. sahin.... 我諗佢到而家都仲疑惑緊, 究竟呢場係咪足球比賽.... 對佢黎講, 呢種速度, 呢種踢法, 真係可能前所未見, 所以半場抽起佢都冇錯, 真係完全跟唔上.... 佢踢到半場, 個stat係有7次成功傳送.... 作為佢呢個位置嘅球員, 呢個stat都幾得人驚....
6. suarez真係top class, 佢嘅兩個入球, 都顯出其實佢有goal poacher呢一面.... 好事好事, 佢終於從bolivia個時區都地勢之中返番黎liverpool.... 打番出佢自己嘅水準~~
過埋黎緊newcastle同chelsea之後, 幾場聯賽都算好打少少.... 希望去到christmas前, 可以起碼去返頭8名嘅位置啦~~